جامبىلدا جىل سوڭىنا دەيىن 24 اۋىلدىق ەلدى مەكەن جانە تاراز, شۋ, قالالارىنىڭ 9 تۇرعىن القابى اۋىز سۋمەن قامتاماسىز ەتىلەدى. بۇل تۋرالى اكىمى ەربول قاراشوكەەۆ ايتىپ بەردى, دەپ حابارلايدى Shalqar.kz.

بۇل جۇمىستارعا 13,9 ملرد تەڭگە باعىتتالعان, ناتيجەسىندە ساپالى اۋىز سۋمەن قامتاماسىز ەتۋ دەڭگەيىن 100%-عا دەيىن جەتكىزۋ جوسپارلانعان.

گازداندىرۋ اياسىندا وبلىستىڭ 6 اۋدانىندا 20,5 ملرد تەڭگەگە 14 جوبا ىسكە اسىرىلىپ جاتىر.

سونىمەن بىرگە, وبلىس قالالارىندا جىلۋ جەلىلەرىنىڭ ۇزىندىعى 350,7 شاقىرىمعا سوزىلعان, ولاردىڭ توزۋ دەڭگەيى 54% جەتكەن.

– بيىل تاراز قالاسىندا م-1 نەگىزگى جىلۋ ماگيسترالىن جاڭعىرتۋ جانە جاڭا مولتەكاۋداندا جىلۋ جەلىلەرىن كەڭەيتۋ جۇمىستارى اياقتالدى. قاراتاۋ قالاسىندا مازۋت شارۋاشىلىعى جانە ورتالىق قازاندىقتار قايتا جاڭعىرتىلادى. ناتيجەسىندە بيىل جىلۋ جەلىلەرىنىڭ توزۋ دەڭگەيى 53%-عا دەيىن تومەندەيدى, – دەيدى ە. قاراشوكەەۆ.