قازاقستان سىرتقى ىستەر مينيسترى ەرمەك كوشەرباەۆ پەن ەۋروپالىق وداقتىڭ سىرتقى ىستەر جانە قاۋىپسىزدىك ساياساتى جونىندەگى جوعارى وكىلى كايا كاللاستىڭ توراعالىعىمەن «قازاقستان – ەۋروپالىق وداق» ىنتىماقتاستىق كەڭەسىنىڭ 22-شى وتىرىسى وتتى, دەپ حابارلايدى Shalqar.kz «قر سىم»-نە سىلتەمە جاساپ.

ىس-شارانىڭ ماڭىزدىلىعى قازاقستان مەن ەۋروپالىق وداق جانە ونىڭ مۇشە مەملەكەتتەرى اراسىنداعى كەڭەيتىلگەن سەرىكتەستىك پەن ىنتىماقتاستىق تۋرالى كەلىسىمگە قول قويىلۋىنىڭ 10 جىلدىعىنا وراي وتكىزىلۋىمەن ەرەكشە ايشىقتالدى.

تاراپتار استانا مەن بريۋسسەلь اراسىنداعى ستراتەگييالىق سەرىكتەستىكتىڭ ون جىلدىق ناتيجەسىن قورىتىندىلاپ, ونىڭ بولاشاقتاعى دامۋى جونىندەگى كوزقاراسىمەن بولىستى.

ەكونوميكالىق بايلانىستار ىنتىماقتاستىقتىڭ نەگىزگى قوزعاۋشى كۇشى بولىپ قالا بەرەتىنى راستالدى. ەۋروپالىق وداق قازاقستاننىڭ ەڭ ىرى ساۋدا جانە ينۆەستيتسييالىق سەرىكتەسى مارتەبەسىن ساقتاپ وتىر. 2024 جىلى وزارا تاۋار اينالىمى 50 ملرد اقش دوللارىنا جاقىندادى, ال ەۋروپالىق ينۆەستيتسييالاردىڭ جالپى اعىنى 200 ملرد اقش دوللارىنا جەتتى. ەلدە ەۋروپالىق قاتىسۋى بار 4 مىڭنان استام كومپانييا جۇمىس ىستەيدى. قازاق تاراپى ساۋدانى ودان ارى ارتاراپتاندىرۋعا دايىن ەكەنىن بىلدىرىپ, وتاندىق اۋىل شارۋاشىلىعى ونىمدەرىنىڭ ەو نارىعىنا قول جەتكىزۋىن كەڭەيتۋدىڭ ماڭىزىن اتاپ وتتى.

ەرەكشە نازار ترانسكاسپيي حالىقارالىق كولىك باعدارىن («ورتا دالىز») دامىتۋ ماسەلەسىنە اۋدارىلدى. عالامدىق جەتكىزۋ تىزبەكتەرىنىڭ ترانسفورماتسيياسىن ەسكەرە وتىرىپ, تاراپتار بۇل باعىتتىڭ ەۋروپا مەن ازييا اراسىنداعى سەنىمدى ارى تۇراقتى كولىك دالىزى رەتىندەگى ستراتەگييالىق ماڭىزىن راستادى. قازاقستان بۇل كوريدوردى ودان ارى دامىتۋ ۇشىن ەو جانە وڭىرلىك سەرىكتەستەرمەن ىنتىماقتاستىقتى تەرەڭدەتۋگە دايىن ەكەنىن جەتكىزدى.

جەكە باعىت رەتىندە «جاسىل» جانە تسيفرلىق ترانسفورماتسييا سالاسىنداعى وزارا ىس-قيمىل تالقىلاندى. تاراپتار بۇل باعىتتىڭ قازاقستان ەكونوميكاسىنىڭ جاڭعىرتىلۋىنا جانە ەۋروپانىڭ ونەركاسىپتىك تۇراقتىلىعىنا بىردەي ۇلەس قوساتىن پەرسپەكتيۆالى سالا ەكەنىن اتاپ وتتى.

وتىرىسقا قاتىسۋشىلار پارلامەنتتىك ىنتىماقتاستىقتىڭ ماڭىزىن دا اتاپ وتىپ, قاراشا ايىندا بريۋسسەلьدە وتكەن «قر – ەو» پارلامەنتتىك ىنتىماقتاستىق كوميتەتىنىڭ 22-شى وتىرىسىنىڭ تابىستى وتكەنىن جوعارى باعالادى.

ادامدار اراسىنداعى بايلانىستى كەڭەيتۋگە ەرەكشە نازار اۋدارىلدى. تاراپتار 2 جەلتوقساندا بريۋسسەلьدە قر ازاماتتارى ۇشىن ەو ۆيزالىق رەجيمىن جەڭىلدەتۋ جانە رەادميسسييا تۋرالى كەلىسسوزدەردى باستاۋدى قۇپتادى.

بۇل قادام گۋمانيتارلىق بايلانىستاردى نىعايتۋعا, ستۋدەنتتەر, عالىمدار مەن كاسىبي ماماندار ۇشىن مۇمكىندىكتەردى كەڭەيتۋگە, سونداي-اق ازاماتتاردىڭ موبيلьدىگىن ارتتىرۋعا ەلەۋلى ۇلەس قوسادى.

وڭىرارالىق ىنتىماقتاستىق تۇرعىسىنان 2025 جىلعى ساۋىردە سامارقاندتا وتكەن «ورتالىق ازييا – ەو» العاشقى سامميتىندە قابىلدانعان تاريحي شەشىم ەرەكشە اتالىپ وتتى. ونىڭ ناتيجەسىندە بۇل فورمات رەسمي تۇردە ستراتەگييالىق سەرىكتەستىك دەڭگەيىنە كوتەرىلدى.

وتىرىس بارىسىندا دەلەگاتسييا باسشىلارى قازاقستان مەن ەۋروپالىق وداقتىڭ كەمەلدەنگەن, ورنىقتى جانە بولاشاققا باعىتتالعان سەرىكتەستىك قۇرا العانىن اتاپ وتتى. 29 نەگىزگى وزارا ىس-قيمىل باعىتىن قامتيتىن كەڭەيتىلگەن سەرىكتەستىك پەن ىنتىماقتاستىق تۋرالى كەلىسىم وسى جىلدار ىشىندە وز تيىمدىلىگى مەن وزەكتىلىگىن كورسەتىپ, ىنتىماقتاستىق پەن وزارا سەنىمدى نىعايتۋدىڭ بەرىك نەگىزىنە اينالدى.

كەزدەسۋ سوڭىندا ە.كوشەرباەۆ پەن ك.كاللاس ساياسي ديالوگتى ودان ارى نىعايتۋعا, ساۋدا مەن ينۆەستيتسييالاردى دامىتۋعا, وڭىرلىك وزارا بايلانىستى ارتتىرۋعا جانە گۋمانيتارلىق سالاداعى ىنتىماقتاستىقتى تەرەڭدەتۋگە بەيىلدى ەكەنىن راستادى.