الماتىنىڭ سانيتارلىق قىزمەتى جاڭا جىل قارساڭىندا مەكتەپتەر مەن بالاباقشالاردا جاپپاي ىس-شارالاردى شەكتەۋدى ۇسىندى, دەپ حابارلايدى Shalqar.kz. بۇعان جرۆي مەن تۇماۋمەن اۋىرعاندار سانىنىڭ وسۋى سەبەپ بولىپ وتىر. 

قالالىق سانيتارلىق-ەپيدەميولوگييالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا ەپيدەميولوگييالىق احۋالعا قاتىستى جاپپاي ىس-شارالاردان باس تارتۋدى ۇسىندى. ول بۇل تۋرالى وڭىرلىك كوممۋنيكاتسييالار قىزمەتىندەگى بريفينگتە ايتتى. الايدا مەرەكەلىك ەرتەڭگىلىكتەردى تەگىس توقتاتۋ ازىرشە جوسپارلانىپ وتىرعان جوق.

— قازىرگى ۋاقىتتا تولىققاندى تىيىم سالۋ ماسەلەسى قاراستىرىلىپ وتىرعان جوق. سەبەبى وسى اپتاداعى اۋىرعاندار سانى الدىڭعى اپتامەن سالىستىرعاندا 1,5 ەسە نەمەسە ودان كوپ وسپەدى. بۇل — باس مەملەكەتتىك سانيتارلىق دارىگەردىڭ قاۋلىسىندا قاراستىرىلعان تالاپ. جالپى العاندا, مۇمكىندىگىنشە شەكتەۋ ەنگىزۋ, ياعني ىس-شارالاردى باسقا فورماتتا وتكىزۋ, كوپ ادام جينالۋىنا جول بەرمەۋ تالاپتارى ساقتالادى, — دەدى قالىقوۆا.

ول سونداي-اق مەكتەپتەر مەن بالاباقشالاردا مەرەكەلىك شاراعا دايىندىق كەزىندە بالالاردى الدىن الا تەكسەرىپ الۋ قاجەت ەكەنىن ايتتى. بالا ساباققا كەلمەسە, ونىڭ سەبەبىن بىلىپ, اۋرۋ بەلگىلەرى بارلاردى مەرەكەلىك ەرتەڭگىلىككە قاتىستىرماعان جون.

ۆەدومستۆو دەرەگىنشە, الماتىدا 47-اپتادا جرۆي-دىڭ 32 456 دەرەگى تىركەلگەن. بۇل الدىڭعى اپتامەن سالىستىرعاندا 17,6%, ال بىلتىرعى دال وسى كەزەڭمەن سالىستىرعاندا 37,2% كوپ. اۋىرعانداردىڭ 58,5%-ى (18 992 دەرەك) — بالالار.

ەسكە سالايىق, بۇعان دەيىن الماتى سانيتارييالىق-ەپيدەميولوگييالىق باقىلاۋ دەپارتامەنتىنىڭ باسشىسى قاسىمحان الپىسبايۇلى جرۆي, تۇماۋ بويىنشا ماۋسىمدىق وسىم بار ەكەنىن ايتقان ەدى.