Almatınıñ sanitarlıq qızmeti Jaña jıl qarsañında mektepter men balabaqşalarda jappay is-şaralardı şekteudi wsındı, dep habarlaydı Shalqar.kz. Bwğan JRVI men twmaumen auırğandar sanınıñ ösui sebep bolıp otır. 

Qalalıq sanitarlıq-epidemiologiyalıq baqılau departamenti basşısınıñ orınbasarı Äsel Qalıqova epidemiologiyalıq ahualğa qatıstı jappay is-şaralardan bas tartudı wsındı. Ol bwl turalı Öñirlik kommunikaciyalar qızmetindegi brifingte ayttı. Alayda merekelik erteñgilikterdi tegis toqtatu äzirşe josparlanıp otırğan joq.

— Qazirgi uaqıtta tolıqqandı tıyım salu mäselesi qarastırılıp otırğan joq. Sebebi osı aptadağı auırğandar sanı aldıñğı aptamen salıstırğanda 1,5 ese nemese odan köp öspedi. Bwl — bas memlekettik sanitarlıq därigerdiñ qaulısında qarastırılğan talap. Jalpı alğanda, mümkindiginşe şekteu engizu, yağni is-şaralardı basqa formatta ötkizu, köp adam jinaluına jol bermeu talaptarı saqtaladı, — dedi Qalıqova.

Ol sonday-aq mektepter men balabaqşalarda merekelik şarağa dayındıq kezinde balalardı aldın ala tekserip alu qajet ekenin ayttı. Bala sabaqqa kelmese, onıñ sebebin bilip, auru belgileri barlardı merekelik erteñgilikke qatıstırmağan jön.

Vedomstvo dereginşe, Almatıda 47-aptada JRVI-diñ 32 456 deregi tirkelgen. Bwl aldıñğı aptamen salıstırğanda 17,6%, al bıltırğı däl osı kezeñmen salıstırğanda 37,2% köp. Auırğandardıñ 58,5%-ı (18 992 derek) — balalar.

Eske salayıq, bwğan deyin Almatı sanitariyalıq-epidemiologiyalıq baqılau departamentiniñ basşısı Qasımhan Alpısbaywlı JRVI, twmau boyınşa mausımdıq ösim bar ekenin aytqan edi.