Keşe Türkistan oblısı mädeniet basqarmasına qarastı «Wlı Dala Eli» ortalığı 100 mln teñgege tikeley şart jasasu arqılı «G7 Exlusive» JŞS-ne 3-7 minuttıq tarihi beynerolikke tapsırıs bergeni turalı aqparat taradı, dep habarlaydı Shalqar.kz.

Onda Türkistan oblıstıq memlekettik satıp alu basqarması atalğan jobanı satıp aludı aşıq konkurs täsilimen üş märte wyımdastırıp, äleuetti orındauşı tabılmağanın alğa tartqan.

- Bölingen qarjını tiimdi äri uaqıtılı igeru maqsatında atalğan jobanı «Memlekettik satıp alu turalı» Zañınıñ 16-babı 3-tarmağına säykes bir közden alu täsilimen 2025 jılğı 28 qaraşada qosımşa qwn salığın qosa alğanda 100 800 000 teñgege kelisimşart jasalındı. Tapsırıs beruşi — Türkistan oblısı mädeniet basqarmasına qarastı «Wlı Dala Eli ortalığı». Orındalu merzimi 2025 jıldıñ 31 jeltoqsanına deyin, - delingen vedomstvo wsınğan derekte.

Al bügin Türkistan oblısınıñ äkimi Nwralhan Qöşerov atalğan kelisimşarttıñ jasalu jağdayların jan-jaqtı tekseru, onıñ işinde qajetti räsimderdiñ saqtaluın qamtamasız etu boyınşa naqtı tapsırma bergeni belgili boldı.

- Tekseru nätijeleri men aldağı qadamdar turalı qosımşa habarlanadı, - dep mälimdedi äkimdiktiñ baspasöz qızmetinen.