https://www.instagram.com/reel/DGBnc9xuMNg/?igsh=MXdzNjVxMjYyemM2Mw==

Астана тұрғындары түнгі уақытта қатты жарылыстың дауысын естіді. Оқиға 14 ақпан күні сағат 00:30 шамасында ескі вокзал маңында, нақтырақ айтқанда, Гёте көшесінде орналасқан сұрыптау жолында орын алды, деп хабарлайды Shalqar.kz.

Төтенше жағдайлар министрлігі оқиға орнына жедел түрде құтқарушыларды жібергенін хабарлады. Абырой болғанда, өрт шыққан жоқ, адам шығыны да тіркелген жоқ. Тек бір азамат жарылыстан ұшқан жарықшақтан қолын жеңіл жарақаттап алған. Оған оқиға орнында медициналық көмек көрсетіліп, ауруханаға жатқызудың қажеті болмаған.

Жарылыстың себебі қандай?
Алдын ала мәліметтер бойынша, жарылыс “Қазақстан темір жолы” бөлімшесіне қарасты 12-ші сұрыптау жолындағы жүк контейнерінде болған. Контейнердің ішінде электр жабдықтары – трансформаторлар мен генераторлар болғаны анықталды. Ол жеке компанияға тиесілі.

Қазір мамандар оқиғаның нақты себептерін анықтап жатыр.