اتالعان زاڭ ارقىلى جەر, بيۋدجەت, كاسىپكەرلىك, «نەكە (ەرلى-زايىپتىلىق) جانە وتباسى تۋرالى», «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكستەرگە, سونداي-اق «قازاقستان رەسپۋبليكاسىنداعى تiل تۋرالى», «قازاقستان رەسپۋبليكاسىنداعى بالا قۇقىقتارى تۋرالى», «مادەنيەت تۋرالى», «بىلىم تۋرالى» جانە «پەداگوگ مارتەبەسى تۋرالى» زاڭدارعا وزگەرىستەر ەنگىزىلدى, دەپ حابارلايدى Shalqar.kz “Akorda”-عا سىلتەمە جاساپ.

تۇزەتۋلەردىڭ بىرىنشى بلوگى جەتىم جانە اتا-انا قامقورلىعىنسىز قالعان بالالاردى قورعاۋدىڭ قۇقىقتىق تەتىكتەرىن كۇشەيتەدى.

بالانى اسىراپ الۋ جانە كامەلەتكە تولماعاندارعا قامقورشىلىقتى نەمەسە قورعانشىلىقتى تاعايىنداۋ بارىسىندا بالانىڭ تۋىستارىنا, ال ولار بولماعان جاعدايدا نەكەدە تۇرعان ادامدارعا باسىم قۇقىق بەرىلەدى.

تۇزەتۋلەردىڭ ەكىنشى بلوگىنا سايكەس, بالالاردىڭ تاماقتانۋىنا, تۇرعىن ۇيىنە, مەديتسينالىق كومەگىنە, بىلىم الۋىنا, تاربيەسىنە جانە ولاردى ساۋىقتىرۋعا مەملەكەت بيۋدجەتى ەسەبىنەن قارجى بولىنەتىن سۋبъەكتىلەرگە (وبъەكتىلەرگە) قاتىستى مەملەكەتتىڭ سانيتارييالىق-ەپيدەميولوگييالىق باقىلاۋ مەن قاداعالاۋ تارتىبى «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكستىڭ, سونداي-اق «قازاقستان رەسپۋبليكاسىنداعى بالا قۇقىقتارى تۋرالى» زاڭنىڭ اياسىندا رەتتەلەتىن سالاعا جاتقىزىلادى. سايكەسىنشە تيىستى نورمالار كاسىپكەرلىك كودەكستەن الىنىپ تاستالادى.

تۇزەتۋلەردىڭ ۇشىنشى بلوگى بىلىم بەرۋ سالاسىنداعى كەيبىر تۇيتكىلدى ماسەلەلەردى شەشەدى.

بۇدان بىلاي تەحنيكالىق جانە كاسىپتىك, ورتا بىلىمنەن كەيىنگى بىلىم بەرۋ ۇيىمدارى وقۋ-اعارتۋ مينيسترلىگى بەكىتەتىن, وسىنداي ۇيىمدار قىزمەتىنىڭ جەتىستىكتەرىن رەيتينگتىك كورسەتكىشتەرگە ساي باعالاۋ ادىستەمەسىنە جانە ولاردى سارالاۋ قاعيدالارىنا سۇيەنە وتىرىپ سارالانادى. ال جوعارى نەمەسە جوعارى وقۋ ورنىنان كەيىنگى بىلىم بەرۋ ۇيىمدارىنىڭ سارالانۋى عىلىم جانە جوعارى بىلىم مينيسترلىگى بەكىتەتىن باعالاۋ ادىستەمەسى مەن قاعيدالارىنا نەگىزدەلەدى.

تۇزەتۋلەردىڭ تورتىنشى بلوگى مادەنيەت سالاسىنداعى بىرقاتار ماسەلەنى شەشۋگە باعىتتالعان.

كونتسەرت وتكىزۋ كەزىندە فونوگرامما پايدالانۋعا تىيىم سالىنادى (بۇل ەرەجەنىڭ تەلەۆيزييالىق جازبالارعا, كونتسەرت وتكىزۋگە ارنايى بەيىمدەلمەگەن جانە ارنالماعان ورىندارعا قاتىسى جوق). سونداي-اق اۆتورلىق قۇقىق وبъەكتىسى سانالاتىن شىعارمالاردى ماسس-مەديادا نەمەسە ونلاين-پلاتفورمالاردا جارييا تۇردە پايدالانعان كەز كەلگەن جاعدايدا اۆتوردى (اۆتورلاردى) كورسەتۋ مىندەتتى.

كىتاپحانا قورىن بايىتۋ جانە ساقتاۋ شارالارىن قابىلداۋ بۇدان بىلاي جەرگىلىكتى اتقارۋشى ورگانداردىڭ قۇزىرەتىنە كىرەدى.

زاڭ ماتىنى باسپاسوزدە جارييالانادى.