Astanada «Jıl volonteri» halıqaralıq sıylığın tabıstau räsimi ötip, «Igi ister marafonı» respublikalıq jobası qorıtındılandı, dep habarlaydı Shalqar.kz “Mädeniet jäne aqparat ministrliginiñ” telegramm kanalına silteme jasap.

İs-şara Halıqaralıq volonterler küni ayasında jäne Twraqtı damu maqsattarındağı Halıqaralıq volonterler jılınıñ resmi bastaluı qarsañında wyımdastırıldı. Atalğan jıldı jariyalau bastamasın Qazaqstan Respublikasınıñ Prezidenti Qasım-Jomart Toqaev kötergen bolatın.

Jıldıñ resmi aşıluı BWW-nıñ N'yu-Yorktegi Ştab-päterinde ötedi.

Ayta keteyik, «Jıl volonteri» sıylığı Memleket basşısınıñ bastamasımen 2020 jıldan beri jıl sayın tapsırılıp keledi. Osı uaqıtqa deyin 297 volonter laureat atandı.

2025 jılı sıylıqtıñ laureattarı atanğan 46 qazaqstandıq volontermen qatar, Äzerbayjan, Qırğızstan, Resey jäne Türkiyadan kelgen 4 volonter marapattaldı.

Olardıñ barlığı äleumettik mañızı bar mäselelerdi şeşuge, volonterlikti damıtuğa jäne osı saladağı halıqaralıq ıntımaqtastıqtı nığaytuğa bağıttalğan jobaları men bastamalarınıñ nätijelerin wsındı.

Sonımen qatar bügin «Igi ister marafonı» respublikalıq jobasınıñ qorıtındıları jariyalandı. Marafon barısında qazaqstandıqtar 9 mıñnan astam igi is atqardı. Bayqau nätijesinde eñ joğarı belsendilik tanıtqan 20 jeñimpaz anıqtaldı. Jalpı, jobağa 40 mıñğa juıq qazaqstandıq qatıstı.