Biıl 19,2 mln şarşı metr twrğın üy paydalanuğa beriledi. Bwl turalı Mäjilis janındağı Qoğamdıq palata otırısında Önerkäsip jäne qwrılıs vice-ministri Quandıq Qajkenov mälim etti, dep habarlaydı Shalqar.kz.

- Jaña twrğın üy qwrılısı memlekettik sayasattıñ mañızdı bağıtı sanaladı. 2023 jıldan bastap 2024 jıldı qosa eseptegende josparlanğan 30,8 mln şarşı metrdiñ ornına 36,9 mln şarşı metr twrğın üy paydalanuğa berildi (2023 jılı 17,8 mln şarşı metr jäne 2024 jılı 19,1 mln şarşı metr). Osı orayda eki jıldıq kezeñde (2023-2024 jıldar) qabıldanğan şaralar Prezidenttiñ saylaualdı bağdarlamasınıñ josparınan 6,1 mln şarşı metrge artıq orındauğa mümkindik berdi, - dedi Q. Qajkenov. 

Onıñ aytuınşa, biıl el boyınşa 19,2 mln şarşı metr twrğın üydi paydalanuğa beru josparlanğan. Osı jıldıñ 10 ayında 14,6 mln şarşı metr tapsırıldı. Bwl 2024 jıldıñ säykes kezeñimen salıstırğanda 4,5 payızğa artıq.

- Büginde Prezidenttiñ saylaualdı bağdarlamasın iske asıru josparınıñ orındaluı (111 million şarşı metr twrğın üy köleminde) 46,4% nemese 51,5 mln şarşı metrdi qwradı, - dedi vice-ministr.

Atap aytqanda, saylaualdı bağdarlamasında jeti jılda 111 mln şarşı metr baspana salu eskerilgen. Bwl twrğıda jıl sayın kem degende orta eseppen 15-16 mln şarşı metr paydalanuğa berilui tiis. 

Bwdan bwrın habarlanğanday, memleket twrğın üy kömegin beru erejelerin jañarttı.