Ğılım jäne joğarı bilim ministrligi jalğan diplomğa baylanıstı mälimdeme jasadı, dep habarlaydı vedomstvoğa silteme jasağan Shalqar.kz.

Ministrliktiñ mälimetinşe, qazirgi tañda internet keñistiginde jalğan diplomdar turalı türli aqparat keñinen taralıp jatır.

Qwjattardıñ zañsız aynalımınıñ aldın alu maqsatında 1991 jıldan beri berilgen diplomdardıñ derekter bazası qwrılğan.

"Ministrlik bilim beru turalı qwjattardıñ özindik ülgisiniñ mazmwnına qoyılatın negizgi talaptardı, sonday-aq joğarı oqu orındarı tülekterine arnalğan osınday qwjattardıñ seriyaların bekitti.

Diplomdar arnayı modul' arqılı biregey nömirler men QR-kodtar beru jolımen qalıptastırıladı. Jüyege qol jetkizu qwqığı osı modul'de tirkelgen, resmi türde jauaptı universitet qızmetkerlerine ğana beriledi", - delingen habarlamada.

Diplomdardı generaciyalau "Joğarı bilim berudiñ birıñğay platforması" (JBBP) aqparattıq jüyesindegi bilim aluşılar turalı derekter negizinde jüzege asırıladı. Eger bilim aluşı turalı aqparat JBBP-da bolmasa, diplom nömirin qalıptastıru mümkin emes.

Özindik ülgidegi bilim turalı qwjattarda generaciyalanğan biregey nömir men QR-kod bolmağan jağdayda mwnday qwjattar jaramsız dep tanıladı.

Ministrlik sonımen qatar Mädeniet jäne aqparat, İşki ister ministrlikteri jalğan diplomdardı dayındau jäne satu faktilerin twraqtı türde baqılap, toqtatıp otıratının eske saldı.

"QR Qılmıstıq kodeksiniñ 385-babına säykes jalğan qwjattardı jasau nemese qoldanu ayıppwl saluğa, tüzeu jwmıstarına nemese eki jılğa deyin bas bostandığın şekteu ne ayıruğa äkep soğadı.

Bügingi tañda 46 jalğan diplom jäne olardı zañsız dayındaumen aynalısqan 20 internet-resurs anıqtaldı. Materialdar İİM men MAM-ğa joldandı. Jalğan diplomdardı jasau nemese paydalanu zañmen qatañ jazalanatının eskertemiz", - delingen habarlamada.

Ministrlik ökilderi joğarı oqu orındarı derekterdi cifrlandıru jwmısın jalğastıratının, al jwmıs beruşiler diplomnıñ tüpnwsqalığın arnayı servis arqılı teksere alatının ayttı.

Diplomnıñ elektrondıq nwsqası elektrondıq ükimettiñ ("Cifrlıq qwjattar") mobil'di qosımşasında da qoljetimdi.