قىتايداعى قازاقستان مادەنيەت ورتالىعىندا, قازاقستان رەسپۋبليكاسىنىڭ قىتاي حالىق رەسپۋبليكاسىنداعى ەلشىلىگىنىڭ قولداۋىمەن, 6 جەلتوقساندا شەتەلدىكتەر اراسىندا قازاق تىلىن بىلۋگە ارنالعان ۇشىنشى جىل سايىنعى حالىقارالىق كونكۋرس وتتى, دەپ حابارلايدى Shalqar.kz.

بايقاۋعا پەكين تىل جانە مادەنيەت ۋنيۆەرسيتەتىنىڭ, داليانь شەت تىلدەر ۋنيۆەرسيتەتىنىڭ ستۋدەنتتەرى, سونداي-اق قىتاي ازاماتتارى اراسىنداعى قازاق تىلىن ۇيرەنىپ جۇرگەندەر قاتىستى.

قاتىسۋشىلار قىتاي, وڭتۇستىك كورەيا, رەسەي, تايلاند جانە جاپونييا ەلدەرىنەن كەلگەن. قوناقتار قاتارىندا عىلىمي جانە بىلىم بەرۋ مەكەمەلەرىنىڭ وكىلدەرى, ديپلوماتتار جانە قازاقستاندىق ستۋدەنتتەر بولدى.

ىس-شارانىڭ باسىندا قاتىسۋشىلاردى قازاقستان رەسپۋبليكاسىنىڭ قىتايداعى ەلشىلىگىنىڭ كەڭەسشىسى اسقار شالقارباەۆ قۇتتىقتاپ, سوز سويلەدى. قىتاي تاراپىنان پەكين شەت تىلدەر ۋنيۆەرسيتەتىندەگى قازاقستاندى زەرتتەۋ ورتالىعىنىڭ باسشىسى سۋن فانь جانە داليانь شەت تىلدەر ۋنيۆەرسيتەتىنىڭ وقىتۋشىسى لوۋ ييحۋا سوز سويلەدى.

سپيكەرلەر قازاقستاننىڭ مەملەكەتتىك تىلىن ۇيرەنۋگە دەگەن قىزىعۋشىلىقتىڭ ارتىپ كەلە جاتقانىن جانە مادەنيەتارالىق وزارا ىس-قيمىلدى نىعايتۋ ۇشىن وسىنداي باستامالاردىڭ ماڭىزدىلىعىن اتاپ وتتى.

بايقاۋ باعدارلاماسىنا قاتىسۋشىلارمەن تانىسۋ, سۇراقتارعا جاۋاپتار, زيياتكەرلىك تاپسىرمالار جانە شىعارماشىلىق قويىلىمدار كىردى. بايقاۋعا قاتىسقاندار قازاقتىڭ بەلگىلى اقىندارىنىڭ ولەڭدەرىن مانەرلەپ وقىپ, مەملەكەتتىك انۇراندى جانە قازاقستاننىڭ تانىمال اندەرىن ورىندادى, مۋلьتفيلьمدەردى دىبىستاپ كوردى.

ۇيىمداستىرۋشىلار بارلىق قاتىسۋشىنىڭ قازاق تىلىن جانە مادەنيەتىن تەرەڭ مەڭگەرگەنىن جانە شىنايى قىزىعۋشىلىق تانىتقانىن اتاپ وتتى. بايقاۋ ناتيجەسى بويىنشا بىرىنشى جانە ەكىنشى ورىن داليانь شەت تىلدەر ۋنيۆەرسيتەتىنىڭ ستۋدەنتتەرى گۋانь حاونان مەن جۋ سىي ەنشىلەدى. ۇشىنشى قۇرمەتتى ورىن بەس ادام اراسىندا بولىندى. جەڭىمپازدار مەن بارلىق قاتىسۋشى گراموتالارمەن جانە ەستەلىك سىيلىقتارمەن ماراپاتتالدى.

پەكين شەت تىلدەر ۋنيۆەرسيتەتىنىڭ قازاق تىلىنىڭ وقىتۋشىسى شولپان اتتى قاتىسۋشى الماتىدا سەگىز جىل بويى قازاق تىلىن وقىعانىن ايتىپ بەردى. ونىڭ ايتۋىنشا, قاتىسۋشىلاردىڭ قازاق تىلىن بىلۋ دەڭگەيى وتە جوعارى بولعان.

— مەنى اسىرەسە قاتىسۋشىلاردىڭ ارتۇرلىلىگى مەن جاس ەرەكشەلىكتەرى تاڭعالدىردى. بۇرىن بايقاۋعا نەگىزىنەن قىتايلىق ستۋدەنتتەر قاتىساتىن, ال بۇگىن بىز ارتۇرلى ەلدەر وكىلدەرىن كورەمىز, ەڭ ۇلكەن قاتىسۋشىنىڭ جاسى 62-دە, — دەدى ول.

62 جاستاعى بايقاۋشى ليۋ سياولانь ەشكىمنىڭ كومەگىنسىز وزى دايىندالىپ, مەملەكەتتىك انۇراندى اسەرلى ورىنداۋىمەن ەرەكشە كوزگە تۇستى.

— مەن حيميكپىن, وتكەن جىلى زەينەتكەرلىككە شىقتىم. قازاق تىلىن 2020 جىلى ديماش قۇدايبەرگەننىڭ اندەرىن العاش ەستىگەندە ۇيرەنۋگە كىرىستىم. سول كەزدە وقۋ قۇرالدارىن ساتىپ الدىم, سودان ساباققا كىرىستىم, سەبەبى ماعان بۇل تىل شىنىمەن ۇنادى, — دەدى ول.

— تىلگە دەگەن سۇيىسپەنشىلىك مەنىڭ ەڭ كۇشتى موتيۆاتسييام بولدى. كۇن سايىن قازاق تىلىندە وقۋعا تىرىساتىنمىن, باستاپقىدا ازداپ قانا ەستە ساقتاي الاتىنمىن. بىراق مەن تاباندى بولدىم, اربىر ارىپتى قايتا-قايتا قايتالاپ ايتا بەردىم. كەيىن ديماشتىڭ بارلىق انىن ورىندادىم. مەن سىزدەردىڭ تىلىڭىزدى شىنىمەن ەرەكشە دەپ سانايمىن, سوندىقتان ونى شىنايى قىزىعۋشىلىقپەن جانە ىزدەنىسپەن ۇيرەنەمىن, — دەدى ول.

ايتا كەتەيىك, بىرىنشى كونكۋرس 2023 جىلى پەكيندە, ەكىنشى 2024 جىلى سياندا وتكەن بولاتىن. بيىل شارا قايتادان قحر استاناسىنا ورالدى.