2025-2026 جىلدارعا ارنالعان قىسقى تۋريزمدە تاڭداۋ كوپ. تاۋ شاڭعىسى كەشەنى, تابيعات اياسىندا سەرۋەن, سىرعاناق پەن شانا جولاعى. ەلدەن شىقپاي-اق دەمالىستى ساتتى وتكىزۋگە بولادى. قوناقۇيدە تۇرۋ, سىرعاناۋ جانە وزگە دە قىسقى دەمالىس تۇرلەرىنىڭ باعاسى تۋرالى Shalqar.kz حابارلايدى.

قىستا بارار جەر كوپ. قالتاڭىزعا قاراي ونداعان دەمالىس ورنىنىڭ بىرىن تاڭداۋعا بولادى. بۇگىندە دەمالىس ورىندارىندا شاڭعى الاڭى, مۇز ايدىنى, تۇرلى شانامەن سىرعاناۋ ورىندارى, جاياۋ جۇرگىنشى جولى مەن بالىق اۋلاۋ ورنى بار. شاناعا يت جەگۋگە دە بولادى.

الماتى: تاۋ مەن دەمالىس ايماعى:

الماتى قالاسىنان 25 شاقىرىم قاشىقتىقتا شىمبۇلاق ورنالاسقان. ايگىلى تاڭ شاڭعىسى كۋرورتىندا 2 260 مەتردەن 3 200 مەترگە دەيىنگى بيىكتىككە كوتەرىلۋگە بولادى. مۇندا 10 كوتەرگىش جانە 25 شاقىرىمدىق شاڭعى جولاعى بار. دەمالىس ورنى تاڭەرتەڭ ەرتە اشادى.

تاڭەرتەڭ ساعات 08:30-بەن تۇسكى 13:30 ارالىعىندا ەرەسەكتەرگە — 9 000 تەڭگە, ال 6-14 جاس ارالىعىنداعى بالالارعا — 3 000 تەڭگە.

تۇستەن كەيىنگى ساعات 12:30 – 18:00 ارالىعىندا ەرەسەكتەرگە — 9 000 تەڭگە, ال 6-14 جاس ارالىعىنداعى بالالارعا — 4 000 تەڭگە.

شىمبۇلاقتا بىر كۇن بويى جۇرسەڭىز ەرەسەكتەرگە 12 000 تەڭگە, ال بالالارعا 6 000 تەڭگە تولەۋىڭىز كەرەك.

شاڭعى جولاعىنا شىعۋدى ەندى عانا ۇيرەنەتىن ادامدارعا ارنالعان تاريف — 8000 تەڭگە. ول وقۋ-جاتتىعۋعا ارنالعان جولاقتا جۇرەدى جانە كوتەرىلۋ قىزمەتىن قولدانادى.

شىمبۇلاقتا ەرەسەكتەرگە ارنالعان كيىم جيىنتىعى 8-10 مىڭ تەڭگە بولىپ تۇر. وعان شاڭعى نەمەسە سنوۋبرود جانە اياق كيىم كىرەدى. ال شاڭعىنى عانا جالعا السا 6-8 مىڭ تەڭگە تولەيدى. سونىمەن بىرگە اياق كيىم, دۋلىعا, كوزىلدىرىك پەن تاياعىنا 2-5 مىڭ تەڭگە قاجەت.

ەگەر تاۋدا تۇنەيتىن بولسا, ەكونوم نومىرلەرىنە 18-45 مىڭ تەڭگە, ال كومفورت ساناتىنا 120 000 تەڭگە جانە ودان جوعارى اقى تولەيدى. مۇندا اشىق اۆتوتۇراقتارعا 500 تەڭگە, ال جابىعىنا 1 000 تەڭگە (ەكەۋىنىڭ دە تاريفى ەكى ساعاتقا ەسەپتەلەدى) سۇرايدى.

Oi-Qaragai — الماتىدان 40 شاقىرىم قاشىقتىقتاعى دەمالىس ورنى. وتباسىلىق دەمالىس ورنى 1 500 مەتر بيىكتىكتە ورنالاسقان.

ەرەسەكتەرگە تاڭعى ابونەمەنت باعاسى — 14 000 تەنگە, بالالارعا — 5 500 تەڭگە.

تۇستەن كەيىن – 16 500 جانە 5500 تەڭگە.

تۇسكى ۋاقىتتا – 19 000 جانە 6500 تەڭگە.

تۇنگى ساعات 19:00 – 23:00 ارالىعىندا ەرەسەكتەرگە 14 500 تەڭگە جانە بالالارعا 5 500 تەڭگە تولەۋىڭىز كەرەك.

سونىمەن بىرگە بىر كۇنگە ارنالعان دەمالىس تاريفى بار. ساعات 9:00 - 23:00 ارالىعىندا ەرەسەكتەرگە – 22 000 تەڭگە. تورت ساعاتتىق وقۋ-جاتتىعۋ باعاسى – 10 000 تەڭگە.

قىسقى دەمالىس ورنىنىڭ بىرى – مەدەۋ. مۇز ايدىنى 1 691 مەتر بيىكتىكتە ورنالاسقان. مۇنداعى مۇز ايدىنىنىڭ اۋدانى – 10 500 شارشى مەتر. سىرعاناۋ ۋاقىتى — 9:00 – 00:00 ارالىعى.

تاڭعى سىرعاناۋ (2,5 ساعات) باعاسى وقۋشىلارعا 500 تەڭگە, 14-22 جاس ارالىعىنداعى جاسوسپىرىمدەر مەن جاستارعا 600 تەڭگە جانە ەرەسەكتەرگە 1 000 تەڭگەدەن ەكەنىن ايتا كەتەيىك.

كۇندىزگى تاريف – 500, 1 200 جانە 2 000 تەڭگە.

كەشكە – 500 تەڭگە, 1500 تەڭگە جانە 2500 تەڭگە.

شىعىس قازاقستان: التايدىڭ باۋرايى مەن جولاعى

وسمەكەننەن 25 شاقىرىم قاشىقتىقتا 600-1 200 مەتر بيىكتىكتە «التاي الьپىسى» ورنالاسقان. مۇندا وننان استام سىرعاناۋ جولاعى بار. ەگەر بىر كۇندى از دەپ ساناساڭىز, قونا جاتىپ ەكى ادامعا ارنالعان جارتىلاي ليۋكس نومىرىن 52 000 تەڭگەگە جالعا الۋعا بولادى. مۇندا تاڭعى جانە تۇسكى اس تا كىرەدى. ليۋكس نومىرلەرى — 98 000 تەڭگە, بەس ادامعا ىڭعايلى وتباسىلىق نومىرلەر باعاسى — 117 000 تەڭگە. سونىمەن بىرگە ەكى ادامعا ارنالعان كەرەۋەتى بار ەكونوم نومىرلەر باعاسى 29 000 تەڭگە. وندا جۋىنۋ بولمەسى قاراستىرىلماعان. مەرەكە كۇندەرى باعا 20%-عا كوتەرىلەدى.

مۇندا الماتىعا قاراعاندا سىرعاناۋ باعاسى ارزان.

تاڭعى تاريف – 6 500 تەڭگە.

تورت ساعات سىرعاناۋ — 8 000 تەڭگە.

كۇندىزگى بيلەت – 14 500 تەڭگە. بۇل باعا تەك ساعات 17:00-گە دەيىن جارامدى.

دەمالىس جانە مەرەكە كۇندەرى تورت ساعات سىرعاناۋ جانە قاجەتتى قۇرال-جابدىقتارىن جالعا الۋ قۇنى – 16 000 تەڭگە. ال ەگەر جۇمىس كۇندەرى بارسا بەس ادامدىق توپتىڭ ار مۇشەسىنە 17 200 تەڭگە ەسەپتەلەدى. كۇندىزگى ابونەنتكە تۇسكى اس پەن جالعا الۋ اقىسى كىرەدى.

تاعى بىر جەرگىلىكتى كەشەن – نۇرتاۋ. بۇل — وسكەمەن قالاسىنان 35 شاقىرىم قاشىقتىقتا جاتقان 700-1 000 مەتر بيىكتىكتە ورنالاسقان دەمالىس ورنى. مۇندا التى سىرعاناۋ جولاعى بار. ۇزىندىعى – 8 شاقىرىمعا جۋىق. كۇندىز مۇندا قىزمەت قۇنى — 7000 - 10 000 تەڭگە ارالىعىندا.

بۋراباي: قاراعايلى ورمان, مۇز جانە قولجەتىمدى دەمالىس

اقمولا وبلىسىنداعى دەمالىس ورنىنا ادامدار ەلىمىزدىڭ تۇكپىر-تۇكپىرىنەن كەلەدى. قىستا بۋرابايدا ەكى ادامعا ارنالعان نومىرلەردىڭ باعاسى — 15 000 – 24 000 تەڭگە, كومفورت ورىندارعا — 28 000 – 30 000 تەڭگە, ال كوتتەدجدەرگە 500 000 تەڭگە سۇرايدى. قىستا ورىن تابۋ وڭاي, تەك مەرەكە كۇندەرى الدىن الا تاپسىرىس بەرىپ (كەم دەگەندە بىر اپتا بۇرىن) قويعان جون.

كول بەتىنە مۇز قاتقان كەزدە تابيعي مۇز ايدىنى قولدانىسقا بەرىلەدى. مۇندا كونьكيدى جالعا الۋ قۇنى — 1 000-1 500 تەڭگە. شانامەن سىرعاناۋ باعاسى — 1 500 –3 000 تەڭگە. حاسكي يتتەردى شاناعا جەگىپ بەرسە, سىرعاناۋ قۇنى — 3 000 – 6 000 تەڭگە. ات شانادا سەرۋەندەۋ قىزمەتىنىڭ باعاسى 12 000 تەڭگەدەن باستالادى.

كۆادروتسيكل قىزمەتىنىڭ قۇنى — 30 مينۋتقا 15 000 تەڭگە نەمەسە 1 ساعاتقا 20 000 تەڭگە. سونىمەن بىرگە قاردا جۇرۋگە ارنالعان كولىكپەن سەرۋەندەۋ قۇنى 30 000 تەڭگەدەن باستالادى. قىستا بالىق اۋلاعىسى كەلگەندەر 8 000 – 10 000 تەڭگە تولەيدى. سونداي-اق ساۋنا, مونشاعا تۇسىپ, مۋزەي ارالاۋعا بولادى. دەمالىس ورىندارىندا تابيعاتتى تاماشالاپ, فوتوعا تۇسۋگە ارنالعان الاڭدار دا بار.

تاۋ سامالى: شىمكەنت قالاسى ماڭىنداعى دەمالىس:

شىمكەنتتىڭ تولە بي اۋدانى ماڭىندا تاۋ سامالى دەمالىس ورنى ورنالاسقان. مۇندا جەلتوقسان-ناۋرىز ايلارى ارالىعىندا دەمالۋعا بولادى. سىرعاناۋ — 5 000 تەڭگە, شاڭعى مەن سنوۋبوردتى جالعا الۋ – 3 000 – 6 000 تەڭگە, بارلىعىن بىرگە تاڭداسا شامامەن — 10 000 تەڭگە.

قوناقۇيدە تاڭداۋ كوپ. ماسەلەن ەكى ورىندىق نومىر باعاسى — 40 000 تەڭگە, التى ادامدىق ليۋكس باعاسى 110 000 تەڭگە بولسا, كوتتەدج قۇنى – 90 000 تەڭگە (كوتەرىلۋ قىزمەتىنە 20% جەڭىلدىك بار). VIP-كوتتەدجدى جالعا الۋ قۇنى — 300 000 تەڭگە. مۇندا ساۋنا, بيلьيارد جانە تورت جاتىن بولمەسى بار.