ەلىمىزدە 250 شاقىرىم اۆتوجول انىقتالعان اقاۋلارعا بايلانىستى ۋاقىتشا تەگىن بولادى. بۇل تۋرالى «قازاۆتوجول» اق باسقارما توراعاسى دارحان يماناشەۆ ايتتى, دەپ حابارلايدى Shalqar.kz.

ونىڭ ايتۋىنشا, جۇمىس توبى اقىلى جولداردىڭ جاي-كۇيىن تەكسەرۋدى اياقتادى. 

— بۇگىندە بۇكىل اقىلى جولداردىڭ شامامەن 350 شاقىرىمىندا اقاۋلار انىقتالدى. اتالعان تىزىم وكىلەتتى ورگان — اۆتوموبيلь جولدارى كوميتەتىنە جىبەرىلدى. قازىرگى ۋاقىتتا ۇيلەستىرۋ جۇمىس جۇرگىزىلىپ جاتىر, تيىستى بۇيرىق شىعارىلادى. ول جايىندا قوسىمشا حابارلايمىز, — دەدى ول ۇكىمەت وتىرىسىنان كەيىنگى بريفينگتە.

كومپانييا باسشىسىنىڭ مالىمەتىنشە, 2026 جىلدىڭ 1 قاڭتارىنان باستاپ 2 000 شاقىرىم اقىلى جولدىڭ شامامەن 350 شاقىرىمى ۋاقىتشا تەگىن بولادى.

— الداعى قۇرىلىس ماۋسىمىندا اتالعان ۋچاسكەلەردە جوندەۋ جۇمىستارىن جۇرگىزۋ كوزدەلىپ وتىرعانىن تاعى دا قايتالاپ ايتقىم كەلەدى. پايدالانۋعا بەرىلگەننەن كەيىن اتالعان ۋچاسكەلەردى قايتادان اقى الىنا باستايدى, — دەدى «قازاۆتوجول» باسشىسى.

بۇعان دەيىن ول جىل باسىنان بەرى اقىلى جولداردان 79 ملرد تەڭگە تۇسكەنىن ايتقان ەدى.