بۇگىندە قازاقستاندىق شىعارماشىل جاستار الەمنىڭ جەتەكشى جوعارى وقۋ ورىندارىندا بىلىم الۋ ۇشىن بۇرىن-سوڭدى بولماعان مۇمكىندىكتەرگە يە بولىپ وتىر, دەپ حابارلايدى Shalqar.kz “مادەنيەت جانە اقپارات مينيسترلىگىنىڭ” تەلەگرامم كانالىنا سىلتەمە جاساپ. مەملەكەت, حالىقارالىق ۇيىمدار جانە شەتەلدىك سەرىكتەستەر بولاشاق مۋزىكانتتار, رەجيسسەرلەر, سۋرەتشىلەر, ديزاينەرلەر مەن ونەرتانۋشىلار ۇشىن جاڭا بىلىم كەڭىستىگىن اشۋدا.

وسى مۇمكىندىكتەرمەن قاتار, جاستار بۇۇ ۇسىناتىن تەگىن ونلاين-كۋرستاردى پايدالانا الادى. ولار بىلىم كوكجيەگىن كەڭەيتۋگە جانە ابيتۋريەنتتەردىڭ باسەكەگە قابىلەتتىلىگىن ارتتىرۋعا قولجەتىمدى قۇرالعا اينالىپ كەلەدى. مۇنداي باعدارلامالار داستۇرلى بىلىم بەرۋدى تولىقتىرىپ, حالىقارالىق دەڭگەيدە تانىلاتىن سەرتيفيكاتتار الۋعا مۇمكىندىك بەرەدى. بۇل سەرتيفيكاتتار جاس بۋىننىڭ باستاماشىلدىعىن, جاھاندىق ويلاۋىن جانە وزەكتى الەمدىك ماسەلەلەردى شەشۋگە دايىندىعىن ايعاقتايدى.