Қазақстан студенттері альянсының 20 жылдық мерейтойына орай ҚР Мәдениет және ақпарат министрлігінің қолдауымен Jas Power азаматтық-патриоттық тәрбие жобасы аясында республикалық «Qazaq Battle: Толық адам» дебат турнирі өтті, деп хабарлайды Shalqar.kz “Мәдениет және ақпарат министрлігінің” телеграмм каналына сілтеме жасап.

Байқау  заманауи дебат форматтары арқылы студенттердің сыни ойлау қабілетін, шешендік шеберлігін және талдау дағдыларын дамытуға бағытталған.

Турнирге Атырау, Ақтау, Ақтөбе, Шымкент, Орал, Түркістан, Семей, Қызылорда, Қарағанды, Көкшетау, Жаңаөзен және Астана қаласынан барлығы 28 команда қатысты.

Жастар финалының нәтижесінде Қарағанды командасы жеңімпаз атанды.

Турнир студенттер арасында тарихи сананы нығайтуға, ұлттық бірегейлікті дәріптеуге және пікірсайыс мәдениетін дамытуға бағытталған зияткерлі алаңға айналды.