قر ۇلتتىق مۋزەيىندە «اقپارات تاسقىنىنداعى جاس ۇرپاق: قۇندىلىق, تاڭداۋ جانە جاۋاپكەرشىلىك» تاقىرىبىنداعى ديالوگ الاڭى وتتى, دەپ حابارلايدى Shalqar.kz “مادەنيەت جانە اقپارات مينيسترلىگىنىڭ” تەلەگرامم كانالىنا سىلتەمە جاساپ.

ديالوگ جاستاردىڭ اقپاراتتى قالاي قابىلدايتىنىن, تالدايتىنىن جانە قولداناتىنىن, فەيكتەر مەن مانيپۋلياتيۆتى حابارلامالاردىڭ قانداي قاۋىپتەر تۋدىراتىنىن, سونداي-اق جاڭا بۋىننىڭ تسيفرلىق مادەنيەتى قالاي قالىپتاساتىنىن تالقىلاۋ ۇشىن اشىق ەكسپەرتتىك پىكىرتالاس قالىپتاستىرۋ ماقساتىندا وتتى.  ديالوگ بارىسىندا مەدياكەڭىستىكتەگى وزەكتى ترەندتەرگە ەرەكشە نازار اۋدارىلدى.

ىس-شاراعا ارنايى شاقىرىلعان ساراپشىلار, دەپۋتاتتار, بەلگىلى جۋرناليستەر, مەديامەنەدجەرلەر جانە پسيحواناليتيكتەر وز كاسىبي پىكىرلەرىمەن بولىستى.

«JastarX» جوباسى 2023 جىلدان باستاپ «جاستار» عىلىمي-زەرتتەۋ ورتالىعىنىڭ باستاماسىمەن جانە قر مادەنيەت جانە اقپارات مينيسترلىگىنىڭ قولداۋىمەن جۇزەگە اسىپ كەلەدى.

بيىل جوبانىڭ اياسىندا تورت ديالوگ الاڭى وتتى. اتاپ ايتساق: «جاڭا بۋىننىڭ قۇندىلىقتارى»; «جۇمىسشى ماماندىقتاردىڭ بولاشاعى: ترەندتەر مەن پەرسپەكتيۆالار»; «ەڭبەك نارىعىنداعى قازىرگى تەندەنتسييالار مەن جاعداي»; «تسيفرلاندىرۋ جانە جاساندى ينتەللەكت».

وسى جىلى جوبا جۇمىسىنا وڭىرلىك جاستار رەسۋرستىق ورتالىقتارى دا قاتىسىپ, تالقىلاۋلارعا ونلاين فورماتتا قاتىسۋعا مۇمكىندىك الدى.