قازاقستاندىقتار الەۋمەتتىك جەلىلەردەگى الاياقتىق تۋرالى ۇنەمى شاعىمدانادى. جاساندى ينتەللەكت جانە تسيفرلىق دامۋ مينيسترلىگى تەلەفون الاياقتارىنىڭ ارەكەتتەرىنەن قورعاۋدى كۇشەيتۋ بويىنشا قابىلدانىپ جاتقان شارالار تۋرالى حابارلادى, - دەپ حابارلايدى Shalqar.kz تىلشىسى.

ۆەدومستۆو مالىمەتىنشە, بۇعان دەيىن بىرقاتار مەملەكەتتىك اقپاراتتىق رەسۋرستار مەن سەرۆيستەرگە كىرۋ بىر رەتتىك كود ارقىلى عانا جۇرگىزىلدى.

"سالدارىنان الاياقتار ايلاسىن اسىردى, "جابىرلەنۋشىنىڭ" تەلەفون نومىرىن ەنگىزىپ, 1414 نومىرى ارقىلى SMS-حابارلاما جىبەرىپ وتىردى. وسىعان بايلانىستى اقپاراتتىق جۇيەلەردىڭ يەلەرىنە 1414 نومىرىنەن SMS جىبەرۋ تەتىگىن قولدانۋ ۇشىن قولجەتىمدىلىك تالاپتارىن كۇشەيتۋ تاپسىرىلدى", - دەلىنگەن حابارلامادا.

ەندى 1414 SMS-شليۋزىن پايدالاناتىن اقپاراتتىق جۇيەلەرگە كىرۋ قوسىمشا قورعالادى جانە تەك بيومەترييالىق اۋتەنتيفيكاتسييا (FaceID), ەلەكتروندىق تسيفرلىق قولتاڭبا (ەتسق) نەمەسە ارنايى QR-كود (eGov QR) ارقىلى عانا مۇمكىن بولادى.

"بيىلعى جەلتوقساننان باستاپ جوعارىدا كورسەتىلگەن مىندەتتى تالاپتاردى ەنگىزبەگەن اقپاراتتىق جۇيەلەر 1414 SMS-شليۋزىن پايدالانۋ قىزمەتىنەن اجىراتىلادى".

بۇل رەتتە ازاماتتاردىڭ تسيفرلىق ساۋاتتىلىعىن ارتتىرۋ ماقساتىندا eGov Mobile موبيلьدى قوسىمشاسىندا كۇدىك تۋعىزاتىن ارەكەتتەردى انىقتاۋ, كيبەرگيگيەنا تالاپتارىن ساقتاۋ جانە تسيفرلىق سەرۆيستەردى قاۋىپسىز پايدالانۋ جونىندەگى ۇسىنىستارى بار اقپاراتتىق باننەرلەر ورنالاستىرىلعان.