Qazaqstandıqtar äleumettik jelilerdegi alayaqtıq turalı ünemi şağımdanadı. Jasandı intellekt jäne cifrlıq damu ministrligi telefon alayaqtarınıñ äreketterinen qorğaudı küşeytu boyınşa qabıldanıp jatqan şaralar turalı habarladı, - dep habarlaydı Shalqar.kz tilşisi.

Vedomstvo mälimetinşe, bwğan deyin birqatar memlekettik aqparattıq resurstar men servisterge kiru bir rettik kod arqılı ğana jürgizildi.

"Saldarınan alayaqtar aylasın asırdı, "jäbirlenuşiniñ" telefon nömirin engizip, 1414 nömiri arqılı SMS-habarlama jiberip otırdı. Osığan baylanıstı aqparattıq jüyelerdiñ ielerine 1414 nömirinen SMS jiberu tetigin qoldanu üşin qoljetimdilik talaptarın küşeytu tapsırıldı", - delingen habarlamada.

Endi 1414 SMS-şlyuzin paydalanatın aqparattıq jüyelerge kiru qosımşa qorğaladı jäne tek biometriyalıq autentifikaciya (FaceID), elektrondıq cifrlıq qoltañba (ECQ) nemese arnayı QR-kod (eGov QR) arqılı ğana mümkin boladı.

"Biılğı jeltoqsannan bastap joğarıda körsetilgen mindetti talaptardı engizbegen aqparattıq jüyeler 1414 SMS-şlyuzin paydalanu qızmetinen ajıratıladı".

Bwl rette azamattardıñ cifrlıq sauattılığın arttıru maqsatında eGov Mobile mobil'di qosımşasında küdik tuğızatın äreketterdi anıqtau, kibergigiena talaptarın saqtau jäne cifrlıq servisterdi qauipsiz paydalanu jönindegi wsınıstarı bar aqparattıq bannerler ornalastırılğan.