Almatıda Täuelsizdik küni men Jeltoqsan oqiğasınıñ 39 jıldığına arnalğan is-şaralar josparı bekitildi, dep habarlaydı Shalqar.kz.

Qala äkimdiginiñ mälimetinşe, 16-17 jeltoqsan qarsañında memlekettik mekemelerde, qala kitaphanaları men bilim beru wyımdarında taqırıptıq kezdesuler, patriottıq jäne ädebi-muzıkalıq keşter, döñgelek üstelder, tarihi-tanımdıq sağattar, därister, ädebi oqular jäne basqa da mañızdı datalarğa arnalğan is-şaralar ötedi.

Osı künderi Respublika alañındağı Täuelsizdik monumentine jäne «Täuelsizdik tañı» eskertkişine dästürli gül qoyıladı. Oğan qala basşılığı, mäslihat deputattarı, Qoğamdıq keñes müşeleri, 1986 jılğı oqiğağa qatısuşılar, etnomädeni birlestikter ökilderi jäne jastar qatısadı.

17 jeltoqsanda qalanıñ barlıq segiz audanında 1986 jılğı Jeltoqsan oqiğasında qaza bolğandardı eske aluğa arnalğan as beriledi.

Bwğan qosa, qala tört memlekettik äleumettik jobanı jüzege asırıp jatır. Atalğan jobalar ayasında qayırımdılıq akciyaları, sporttıq turnirler, şığarmaşılıq jäne patriottıq is-şaralar, taqırıptıq konferenciyalar men bayqaular ötkizu josparlanğan.