Elordada Qazaqstan-Iran biznes forumı bastaldı, dep habarlaydı Shalqar.kz. Şarağa 500-ge juıq qatısuşı jinaldı jäne olardıñ jüzden astamı — irandıq käsipkerler.

Forum ayasında Kazakh Invest wlttıq kompaniyası ıntımaqtastıq turalı eki kelisimge qol qoyudı josparlap otır.

— Birinşi kelisim — Irannıñ Solico Group kompaniyasımen jasaladı. Bwl kompaniya Qazaqstanda birneşe jobanı jüzege asırudı josparlap otır. Alğaşqı joba sütti qayta öñdeu men irimşik jasau salasına qatıstı. Qazir Almatı oblısında 16 gektar aumaqta nısandardıñ qwrılısı bastalıp ketti. Investiciya kölemi şamamen 100-150 million dollarğa jetedi. İrimşik öndirisi iske qosılğan soñ, jobanıñ ekinşi fazası — balalar tağamın öndiru josparlanıp otır. Solico Group — agroönerkäsip salasında jwmıs isteytin Irandağı eñ iri korporaciyalardıñ biri, — dedi Kazakh Invest wlttıq kompaniyası basqarma törağasınıñ orınbasarı Madiyar Swltanbek agenttikke bergen swhbatında.

Ekinşi kelisim tau-ken metallurgiya salasındağı Irannıñ Kavand Nahan Zamin kompaniyasımen ornatılmaq. 

Spikerdiñ aytuınşa, Qazaqstanda iran kapitalınıñ qatısuımen 650-den astam wyım tirkelgen. Jinalğan investiciyalar kölemi büginde 200 million dollardan asadı. 

Qazirgi uaqıtta taraptar joğarı deñgeydegi kelissözder jürgizip jatır. Onıñ barısında sauda-ekonomikalıq, kölik-logistika jäne mädeni-gumanitarlıq salalardağı qazaq-iran ıntımaqtastığın odan äri nığaytu mäseleleri talqılanbaq.