Apple компаниясының негізін қалаушы Стив Джобстың сирек кездесетін, қолтаңбасы бар визиткасы Бостондағы аукционға қойылды. Бәссауда басталғаннан-ақ оған қызығушылық танытқандар көп болды, ал лоттың бағасы қазірдің өзінде 75 мың долларға жетті, деп хабарлайды Shalqar.kz.

Бұл ерекше визитка 1983 жылы, яғни атақты Macintosh компьютері ресми таныстырылмай тұрып жасалған. Онда Джобстың аты-жөні, лауазымы және Apple-дің сол кездегі логотипі бейнеленген. Сонымен қатар, аукционда тағы 14 визитка саудаға шығарылды. Коллекционерлер үшін құнды бұл жәдігерге бәссауда 20 ақпанға дейін жалғасады.