ۇلتتىق ەكونوميكا بىرىنشى ۆيتسە-مينيسترى ازامات امرين ايەلدەر كاسىپكەرلىگىن قولداۋ بويىنشا شارالار كەشەنىن تانىستىردى, دەپ حابارلايدى Shalqar.kz ۆەدومستۆونىڭ باسپاسوز قىزمەتىنە سىلتەمە جاساپ.

2025 جىلدىڭ جەلتوقسان ايىنداعى كورسەتكىش بويىنشا قازاقستاندا شاعىن جانە ورتا بيزنەستە 1 ميلليوننان اسا ايەل باسشى تىركەلگەن. بۇل شوب جالپى سانىنىڭ 48,1%-ى.

— ايەلدەر ساۋدانى, قىزمەتتەردى, سۇلۋلىق يندۋستريياسىن, قوعامدىق تاماقتانۋدى, بىلىم بەرۋ جوبالارىن, سونداي-اق ەكولوگييالىق جانە الەۋمەتتىك باستامالاردى جاقسى يگەرەدى. ولار وڭىر ەكونوميكاسىن نىعايتا وتىرىپ, زاماناۋي دامۋ ترەندىن قولدايدى. تۇراقتى, تەحنولوگييالىق جانە قوعامعا ارنالعان كاسىپورىندار قۇرىپ جاتىر, — دەلىنگەن اقپاراتتا.

قر ۇلتتىق ەكونوميكا مينيسترلىگىنىڭ قولداۋىمەن ەلىمىزدە 20 كاسىپكەرلەرگە قىزمەت كورسەتۋ ورتالىعى جانە شاعىن قالالار مەن اۋىلداردا 188 وڭىرلىك ورتالىق جۇمىس ىستەيدى. ولار قىزمەتتەردى اقىسىز ۇسىنىپ, ىسىن جاڭا باستاعان جانە جۇمىس ىستەپ جاتقان كاسىپكەرلەردى قامتيدى.

بۇگىنگى تاڭدا ايەلدەر كاسىپكەرلىگىن قولدايتىن 4 نەگىزگى قۇرال بار.

بىرىنشىسى — اقپاراتتىق-كونسۋلьتاتسييالىق كومەك. ايەلدەر بيزنەستى تىركەۋ, ەقجج تاڭداۋ, قۇجات رەسىمدەۋ, مەملەكەتتىك قولداۋدى پايدالانۋ جانە تەندەرگە قاتىسۋ بويىنشا ساۋالدارىنا جاۋاپ الادى. 2025 جىلدىڭ جەلتوقسان ايىنا دەيىن 16 326 ايەلگە 60 245 قىزمەت كورسەتىلگەن.

ەكىنشىسى — جۇمىس ىستەپ تۇرعان بيزنەستى سەرۆيستىك قولداۋ. بۇل بۋحگالتەرلىك ەسەپ, سالىق, ەسەپتىلىك, «1س», بيزنەس-جوسپار مەن جىلجىتۋ ستراتەگيياسىن ازىرلەۋ. بارلىعى 6 410 ايەلگە 7 106 قىزمەت ۇسىنىلدى.

ۇشىنشى قۇرال — «ىسكەرلىك بايلانىستار». كاسىپكەر ايەلدەر شەتەلدىك ارىپتەستەرمەن بايلانىس ورناتىپ, شەتەلدە تاعىلىمدامادان وتەدى. باعدارلامادان 37 كاسىپكەر, ونىڭ ىشىندە 10 ايەل وتتى.

تورتىنشى قۇرال — جەرگىلىكتى وندىرۋشىلەردىڭ الەۋەتىن ارتتىرۋعا كومەكتەسەتىن جانە اۋىلدىق جەرلەردىڭ ەكونوميكالىق دامۋىن كۇشەيتەتىن «بىر اۋىل-بىر ونىم» جوباسى. بۇگىنگى تاڭدا قاتىسۋشىلاردىڭ 90%-ى ايەلدەر. مىڭنان استام قاتىسۋشى كەڭەس السا, ونىڭ ىشىندە 742-سى ايەل, ال 38-ى فيناليست بولدى. جوبا 5 ملن تەڭگەگە دەيىن مەملەكەتتىك گرانت الۋعا جانە وقىتۋعا, برەندينگتە جانە ونىمدى جىلجىتۋعا قولداۋ الۋعا مۇمكىندىك بەرەدى.

تاعى بىرى — ەقدب-مەن بىرلەسكەن «بيزنەستەگى ايەلدەر» باعدارلاماسى. 2015 جىلدان باستاپ 537 كونسالتينگتىك جانە كوۋچينگتىك جوبا وتكىزىلىپ, 6,3 مىڭنان استام ايەل وقىتىلدى. ال ايەلدەر شوب-ىن كرەديتتەۋگە 102,2 ملرد تەڭگە بولىندى.

مەملەكەتتىك سۋبسيدييالاۋ جانە كەپىلدىك بەرۋ قۇرالدارى كاسىپكەر ايەلدەر ۇشىن قارجى مەن بيزنەستى دامىتۋعا تەڭ جاعداي جاسايدى.

كرەديت بويىنشا سىياقى مولشەرلەمەسىنىڭ بىر بولىگىن سۋبسيدييالاۋ قۇرالى 13,2%. ال الەۋمەتتىك كاسىپكەرلەر ۇشىن 12,2%. كرەديت 3 جىلعا 200 ملن تەڭگەگە دەيىن بەرىلەدى.

بارلىعى 316,9 ملرد تەڭگەگە 2 280 جوبا قولداۋ تاۋىپ, 168,7 ملرد تەڭگە سۋبسيدييا تولەندى. ونىڭ ىشىندە 924 جوبا, ياعني 41%-ى ايەلدەردىكى. كرەديت سوماسى 96,4 ملرد تەڭگە.

كەپىل جەتىسپەيتىن كاسىپكەرلەر ۇشىن مەملەكەت كەپىلدىك بەرەدى. 60,5 ملرد تەڭگەگە 736 جوباعا قولداۋ كورسەتىلىپ, 25,1 ملرد تەڭگەگە كەپىلدىك بەرىلدى. ولاردىڭ ىشىندە 25,3 ملرد تەڭگەگە كرەديت جانە 9,9 ملرد تەڭگەگە كەپىلدىك العان 338 ايەل بار.

كەپىلدىك قورى 1. بۇل تەتىك شاعىن جانە ورتا بيزنەسكە 7 ملرد تەڭگەگە دەيىن ىرى كرەديت الۋعا كومەكتەسەدى. كەپىلدىكتىڭ ەڭ جوعارى مولشەرى 85%. بىراق 3,5 ملرد تەڭگەدەن اسپايدى. 393 ملرد تەڭگەگە 2 217 جوباعا قولداۋ كورسەتىلىپ, 218,4 ملرد تەڭگەگە كەپىلدىك بەرىلدى. ونىڭ ىشىندە 311 جوبانى (46%) ايەلدەر ىسكە اسىرعان: 52,3 ملرد تەڭگەگە كەپىلدىكپەن 103,4 ملرد تەڭگەگە كرەديت العان.