Wlttıq ekonomika birinşi vice-ministri Azamat Ämrin äyelder käsipkerligin qoldau boyınşa şaralar keşenin tanıstırdı, dep habarlaydı Shalqar.kz vedomstvonıñ baspasöz qızmetine silteme jasap.

2025 jıldıñ jeltoqsan ayındağı körsetkiş boyınşa Qazaqstanda şağın jäne orta bizneste 1 millionnan asa äyel basşı tirkelgen. Bwl ŞOB jalpı sanınıñ 48,1%-i.

— Äyelder saudanı, qızmetterdi, swlulıq industriyasın, qoğamdıq tamaqtanudı, bilim beru jobaların, sonday-aq ekologiyalıq jäne äleumettik bastamalardı jaqsı igeredi. Olar öñir ekonomikasın nığayta otırıp, zamanaui damu trendin qoldaydı. Twraqtı, tehnologiyalıq jäne qoğamğa arnalğan käsiporındar qwrıp jatır, — delingen aqparatta.

QR Wlttıq ekonomika ministrliginiñ qoldauımen elimizde 20 Käsipkerlerge qızmet körsetu ortalığı jäne şağın qalalar men auıldarda 188 öñirlik ortalıq jwmıs isteydi. Olar qızmetterdi aqısız wsınıp, isin jaña bastağan jäne jwmıs istep jatqan käsipkerlerdi qamtidı.

Bügingi tañda äyelder käsipkerligin qoldaytın 4 negizgi qwral bar.

Birinşisi — aqparattıq-konsul'taciyalıq kömek. Äyelder biznesti tirkeu, EQJJ tañdau, qwjat resimdeu, memlekettik qoldaudı paydalanu jäne tenderge qatısu boyınşa saualdarına jauap aladı. 2025 jıldıñ jeltoqsan ayına deyin 16 326 äyelge 60 245 qızmet körsetilgen.

Ekinşisi — jwmıs istep twrğan biznesti servistik qoldau. Bwl buhgalterlik esep, salıq, eseptilik, «1S», biznes-jospar men jıljıtu strategiyasın äzirleu. Barlığı 6 410 äyelge 7 106 qızmet wsınıldı.

Üşinşi qwral — «İskerlik baylanıstar». Käsipker äyelder şeteldik äriptestermen baylanıs ornatıp, şetelde tağılımdamadan ötedi. Bağdarlamadan 37 käsipker, onıñ işinde 10 äyel ötti.

Törtinşi qwral — jergilikti öndiruşilerdiñ äleuetin arttıruğa kömektesetin jäne auıldıq jerlerdiñ ekonomikalıq damuın küşeytetin «Bir auıl-bir önim» jobası. Bügingi tañda qatısuşılardıñ 90%-ı äyelder. Mıñnan astam qatısuşı keñes alsa, onıñ işinde 742-si äyel, al 38-i finalist boldı. Joba 5 mln teñgege deyin memlekettik grant aluğa jäne oqıtuğa, brendingte jäne önimdi jıljıtuğa qoldau aluğa mümkindik beredi.

Tağı biri — EQDB-men birlesken «Biznestegi äyelder» bağdarlaması. 2015 jıldan bastap 537 konsaltingtik jäne kouçingtik joba ötkizilip, 6,3 mıñnan astam äyel oqıtıldı. Al äyelder ŞOB-ın kreditteuge 102,2 mlrd teñge bölindi.

Memlekettik subsidiyalau jäne kepildik beru qwraldarı käsipker äyelder üşin qarjı men biznesti damıtuğa teñ jağday jasaydı.

Kredit boyınşa sıyaqı mölşerlemesiniñ bir böligin subsidiyalau qwralı 13,2%. Al äleumettik käsipkerler üşin 12,2%. Kredit 3 jılğa 200 mln teñgege deyin beriledi.

Barlığı 316,9 mlrd teñgege 2 280 joba qoldau tauıp, 168,7 mlrd teñge subsidiya tölendi. Onıñ işinde 924 joba, yağni 41%-i äyelderdiki. Kredit soması 96,4 mlrd teñge.

Kepil jetispeytin käsipkerler üşin memleket kepildik beredi. 60,5 mlrd teñgege 736 jobağa qoldau körsetilip, 25,1 mlrd teñgege kepildik berildi. Olardıñ işinde 25,3 mlrd teñgege kredit jäne 9,9 mlrd teñgege kepildik alğan 338 äyel bar.

Kepildik qorı 1. Bwl tetik şağın jäne orta bizneske 7 mlrd teñgege deyin iri kredit aluğa kömektesedi. Kepildiktiñ eñ joğarı mölşeri 85%. Biraq 3,5 mlrd teñgeden aspaydı. 393 mlrd teñgege 2 217 jobağa qoldau körsetilip, 218,4 mlrd teñgege kepildik berildi. Onıñ işinde 311 jobanı (46%) äyelder iske asırğan: 52,3 mlrd teñgege kepildikpen 103,4 mlrd teñgege kredit alğan.