Qasım-Jomart Toqaev auıl şaruaşılığı salasındağı ıqpaldastıqtı damıtu qajettigine nazar audardı, dep habarlaydı Shalqar.kz “QR Auıl şaruaşılığı ministrligine” silteme jasap.

– Iran – Qazaqstan astığın satıp alatın negizgi eldiñ biri. Bıltır agroönerkäsip keşenindegi tauar aynalımı 220 million dollarğa jetti. Al biılğı on aydıñ işinde astıq saudası 280 million dollarğa juıqtadı. Biz auıl şaruaşılığına investiciya salatın käsipkerlerdi qoldaymız. Qazirgi tañda birqatar birlesken joba jüzege asırılıp jatır. Mäselen, Irannıñ Solico Group kompaniyasın erekşe atap ötuge boladı. Bwl kompaniya elimizde jılına 200 mıñ tonna önim şığaratın süt kombinatın saludı josparlap otır. Sonday-aq balalarğa arnalğan tağam önimderin dayarlau isin qolğa almaqşı. Bwğan qosa, Kourosh Food Industry kompaniyası Qazaqstan narığına qızığuşılıq tanıtıp otırğanın bilemiz. Osı kompaniya elimizde ösimdik mayın şığaratın jäne qws şaruaşılığın damıtatın käsiporındar aşqısı keledi. Tağı da atap ötkim keledi: biz ıntımaqtastıq ornatuğa qaşanda dayınbız. Sondıqtan Iran käsipkerlerin birlesip jwmıs isteuge, Qazaqstanda zamanaui öndirister aşuğa şaqıramın, – dedi Memleket basşısı.