АҚШ президенті Дональд Трамптың басқаруымен елдегі заңсыз көші-қон саясатын реттеу бойынша жаңа қадамдар енгізілді. Бұл өзгерістердің басты мақсаты - визасыз жүрген және тұрақты тұруға рұқсаты жоқ адамдарды қадағалау. Олар қамауға алынып, елден мәжбүрлі түрде шығарылуы мүмкін. Сонымен қатар, әлеуметтік көмек, жұмыс істеу құжаттары және басқа жеңілдіктерден айыру шаралары қарастырылған.
АҚШ билігі заңсыз шетелдіктерге өз еркімен елден кетуге мүмкіндік беріп отыр. Бұл шара Қазақстан азаматтарының депортацияға ұшырау қаупін азайтып, болашақта АҚШ визасын алу кезінде шектеулерден сақтануға көмектеседі.
Қосымша өзгерістер арасында «Мексикада қалу» саясатының қайта енгізілуі, мигранттар мен саяси баспана сұраушылардың Мексикада күтуі міндеттелуі сияқты талаптар бар. Сонымен қатар, «Ұста да жібер» шарасы тоқтатылып, заңсыз өткен мигранттар қамауға алынатын болады.
Қазақстанның АҚШ-тағы елшілігі азаматтарға консулдық құқықтық көмек қажет болған жағдайда көмек көрсетуге дайын екенін білдіріп, елшілікке хабарласуды ұсынады.
