انكارادا قازاقستان, ازەربايجان, قىرعىزستان, تۇركييا, وزبەكستان, ماجارستان جانە تۇرىكمەنستان وكىلدەرىنىڭ قاتىسۋىمەن تۇركى مەملەكەتتەرىندەگى جالعان اقپاراتپەن كۇرەس تاقىرىبىنا ارنالعان فورۋم وتۋدە, دەپ حابارلايدى Shalqar.kz.

فورۋمنىڭ ماقساتى – اقپاراتتىق ساياساتقا جاۋاپتى مەملەكەتتىك ورگاندار, باق وكىلدەرىن, اكادەمييالىق قاۋىمداستىقتى, كوممۋنيكاتسييا سالاسىنداعى ساراپشىلار مەن جۋرناليستەردى بىرىكتىرە وتىرىپ, تۇركى ەلدەرى اراسىندا تيىمدى كوممۋنيكاتسييالىق پلاتفورما قۇرۋ جانە جالعان اقپاراتپەن كۇرەس بويىنشا ىنتىماقتاستىقتى نىعايتۋ.

اتالمىش فورۋم تۇركى مەملەكەتتەر اراسىنداعى وزارا بايلانىستى نىعايتا وتىرىرىپ, تسيفرلىق داۋىردىڭ مۇمكىندىكتەرىن پايدالانۋعا سەپ بولاتىن اۋقىمدى الاڭعا اينالۋدى ماقسات ەتەدى.

قر مادەنيەت جانە اقپارات ۆيتسە-مينيسترى قانات ىسقاقوۆ قازاقستان جالعان اقپاراتپەن كۇرەس باعىتىندا تۇركى مەملەكەتتەرى اراسىنداعى ىنتىماقتاستىقتى قولدايتىنىن اتاپ وتتى. سەبەبى ەلدەر اراسىنداعى تىل مەن مادەني جاقىندىق ورتاق اقپاراتتىق كەڭىستىك قالىپتاستىرادى.

مەملەكەت قازاقستانداعى جالعان اقپاراتپەن كۇرەس شارالارىن ۇدايى نازاردا ۇستايدى. بۇل ماسەلەنى پرەزيدەنت بىرنەشە رەت ماڭىزدى باسىمدىق رەتىندە اتاپ وتتى.

سونداي-اق فورۋم اياسىندا قانات ىسقاقوۆتىڭ تۇركييا رەسپۋبليكاسى پرەزيدەنتى اكىمشىلىگىنىڭ كوممۋنيكاتسييالار باسقارماسىنىڭ باسشىسى بۋرحانەتتين دۋرانمەن كەزدەسۋى وتتى.

جيىن بارىسىندا اقپاراتتىق ورتاداعى ەكىجاقتى ىنتىماقتاستىق بويىنشا وزەكتى ماسەلەلەر تالقىلاندى.