Büginde Qazaqstan jastarınıñ sanı – 5 million 817 mıñ adamğa jetti.  Büginde olar el halqınıñ üşten biri böligin qwraydı. Bastamaşıl, darındı, äleumettik jauapkerşiligi joğarı qazirgi jastar – eldiñ erteñin qalıptastıratın negizgi buın, dep habarlaydı Shalqar.kz.

Osı orayda jıl sayın eñbekteri  memlekettik deñgeyde bağalanıp jürgen belsendi jastardıñ röli ayrıqşa. Jastardıñ köşbasşılığı men bastamasın qoldaytın «Täuelsizdik wrpaqtarı» grantı men «Darın» memlekettik sıylığın tağayındauğa arnalğan konkurstar dästürli türde ötkizilip keledi.

«Men qaşan da Qazaqstanda jastar üşin barlıq jağday jasalğanın aytudan jalıqpaymın. Qay bağıt, qay sala bolmasın qoldau bilinedi. Granttar, şäkirtaqılar, damu mümkindikteri bar. Al mwnday nominaciyağa ie bolu —  ülken märtebe. Biz öz isimizdi marapat kütpey de adal atqaruğa dayınbız», – deydi biılğı «Darın» sıylığınıñ «Qoğamdıq qızmet» nominaciyası boyınşa laureatı Meruert Ötegenova.

Jıl işinde «Täuelsizdik wrpaqtarı» grantınıñ 2024 jılğı 30 jeñimpazı öz jobaların jüzege asırdı. Är jobağa memleket tarapınan 3 million teñgeden bölindi. Mäselen, Atırau qalasınıñ twrğını Änel Maratova Daun sindromı bar balalardan qwralğan inklyuzivti teatr aştı, al Qwrmanğazı atındağı Qazaq wlttıq konservatoriyasınıñ magistri Änel Äubäkirova eldegi alğaşqı etno-myuzikl qwrdı.

Memlekettiñ basım bağıttarınıñ biri –  jastardı jwmıspen qamtu jäne qoljetimdi twrğın üy mäseleleri. «Otau», «Naurız» jäne «Naurız Jwmısker» jeñildetilgen twrğın üy bağdarlamalarınıñ arqasında 5,7 mıñnan astam jas qazaqstandıq baspanalı boldı. Sonımen qatar 17 öñirde jas mamandarğa arnalğan öñirlik ipotekalıq bağdarlamalar jemisti jüzege asıp keledi.

Soñğı üş jılda memlekettik qoldau jüyeli şaralarınıñ nätijesinde jas käsipkerler sanı 12,1% arttı. Büginde jastar arasındağı jwmıssızdıq deñgeyi 3,1%, bwl – öñirdegi eñ tömen körsetkişterdiñ biri.

Ekologiyalıq mädenietti qalıptastıruğa arnalğan «Taza Qazaqstan» jalpıwlttıq jobası da qarqındı damıp keledi. Jobanı iske asıruda «Jasıl El» jastar eñbek jasaqtarı negizgi röl atqaradı. Biıl mausımdıq jwmıspen 35,9 mıñ jas qamtıldı, bwl josparlı körsetkişten 19,8% joğarı. Qatısuşılardıñ şamamen 40%-ı  – auıl jastarı.

Sonımen qatar Jastar resurstıq ortalıqtarınıñ jelisi jetildirildi. Qazirgi tañda elde 235 ortalıq jwmıs isteydi, olar jastarğa, äsirese osal sanattağı azamattarğa kömek körsetedi.

Memlekettik jastar sayasatın iske asıru ayasında jalpı soması 750 million teñge bolatın 6 jaña granttıq joba iske astı. Bwl bastamalar naşaqorlıq, ludomaniya jäne qwqıqbwzuşılıqtıñ aldın aluğa bağıttalğan.

Osı granttıq qoldau ayasında engizilgen «MERGEN» jüyesiniñ kömegimen 5 mıñnan astam esirtki dükeni anıqtalıp bwğattaldı, jarnama sayttarındağı 120 mıñnan astam habarlandıru tekserildi.

Jastardıñ reproduktivti densaulığın qorğau da mañızdı mäselelerdiñ biri bolıp qala beredi. 94 jastar densaulıq ortalığınıñ jwmısı nätijesinde jasöspirimder arasındağı jüktilik deñgeyi 43%, al aborttar sanı 30% tömendedi.