Қытайдың ғарыш агенттігі Айда жүретін жаңа көліктің алғашқы сынақтарын сәтті аяқтап, оны Жер серігіне жөнелтуге дайындалып жатыр. “Тансуо” деп аталған бұл техника екі ғарышкердің еркін қозғалуына мүмкіндік береді және Ай бедеріне бейімделген, деп хабарлайды Shalqar.kz.

Сонымен қатар, Қытай инженерлері ғарышкерлерге арналған жаңа скафандрды таныстырды. Бұл костюм жеңіл әрі икемді, тіпті ғарышкерлерге ай бетінен тастар жинауға мүмкіндік береді.

Қытай Айды терең зерттеу миссиясын 10-15 жыл ішінде жүзеге асыруды көздеп отыр. 2028 жылы тұрақты зерттеу станциясының моделі дайындалса, 2040 жылға қарай жоба толық аяқталады. Сонымен қатар, 2030 жылға қарай Айға туристік сапарлар ұйымдастыру жоспарланған.