2025 جىلى قازاقستانىڭ مادەنيەت سالاسىنداعى جەتىستىكتەرى ايتارلىقتاي كوپ بولدى. بەيجىڭ قالاسىندا قازاقستاننىڭ مادەنيەت ورتالىعى اشىلدى, دەپ حابارلايدى Shalqar.kz. ورتالىق ونەر, تىل جانە مادەني الماسۋعا جانە ەلىمىزدىڭ مۇراسىن تانىستىرۋعا ارنالعان ەڭ ىرى الاڭعا اينالدى. ورتالىق 2000-نان استام ادامدى قابىلداپ ۇلگەردى. مادەنيەت الاڭى كورمە, بىلىم بەرۋ جانە اعارتۋشىلىق باعىتتا جۇمىس ىستەيدى. بۇل مەملەكەت باسشىسىنىڭ قازاقستاننىڭ مادەني ديپلوماتيياسىن نىعايتۋ جونىندەگى تاپسىرمالارىنا تولىق ساي كەلەدى.

2025 جىلعى مادەني وقيعالاردىڭ ىشىنەن نۇرعيسا تىلەنديەۆتىڭ 100 جىلدىق مەرەيتويىن ەرەكشە اتاپ وتكەن جون. اتاۋلى كۇن يۋنەسكو-نىڭ 2024–2025 جىلدارعا ارنالعان حالىقارالىق دەڭگەيدە اتالىپ وتەتىن مەرەيتويلار تىزىمىنە ەندى. بۇل – كومپوزيتوردىڭ الەمدىك مۋزىكا مادەنيەتىنە قوسقان ۇلەسىن ايقىندايتىن وقيعا. يۋنەسكو كومپوزيتوردىڭ قازاق داستۇرىن, فولьكلورلىق مۇرا مەن زاماناۋي مۋزىكانى ۇيلەستىرە بىلگەن كاسىبي شەبەرلىگىن جوعارى باعالادى.

سونىمەن قاتار, ابايدىڭ 180 جىلدىعىنا وراي ريم قالاسىندا ۇلى اقىننىڭ ەسكەرتكىشى ورناتىلدى. بۇل ماڭىزدى وقيعا يتالييا حالقىنىڭ نازارىن اۋدارىپ, قازاقستان مەن ەۋروپا اراسىنداعى مادەني بايلانىستى نىعايتتى. قىرعىزستاننىڭ وش قالاسىندا اباي اتىنداعى كوشە, ەسكەرتكىش جانە مۋزەي اشىلدى. بۇل – ەلدەرىمىز اراسىنداعى بەرىك بايلانىس پەن قازاق ويشىلىنىڭ ورتاق مادەني تاريحتاعى ورىنىن ايشىقتايدى.

سونداي-اق ارمەنيياداعى قازاقستان مادەنيەتى كۇندەرى اياسىندا ەرەۆان قالاسىندا اباي قۇنانبايۇلى اتىنداعى ساياباقتىڭ سالتاناتتى اشىلۋى وتتى. بۇل وقيعا پرەزيدەنتىمىزدىڭ ەرەۆانعا جاساعان رەسمي ساپارى بارىسىندا مەملەكەت باسشىلارى دەڭگەيىندە جاسالعان كەلىسىمدەردىڭ ناتيجەسىندە جۇزەگە استى.

تامىز ايىندا قازاقستان مەن قىرعىزستان پرەزيدەنتتەرى قاتىسقان مۇحتار اۋەزوۆ پەن شىڭعىس ايتماتوۆقا ارنالعان ەسكەرتكىشتىڭ اشىلۋى وتتى. ەسكەرتكىش قازاقستان مەن قىرعىزستان اراسىنداعى رۋحاني جانە ادەبي بىرلىكتىڭ سيمۆولىنا اينالدى.

بيىل اقتاۋ قالاسىنا تۇركى الەمىنىڭ مادەني استاناسى دەگەن مارتەبە بەرىلدى. بۇل مارتەبەنى حالىقارالىق تۇركسوي ۇيىمى بەردى. اقتاۋ جيىرمادان استام ەلدىڭ مادەنيەت مايتالماندارىن قابىلداپ, فەستيۆالь, كورمەلەر, كونفەرەنتسييالار مەن شىعارماشىلىق جوبالار ۇيىمداستىردى.

سونداي-اق بيىل ارمەنييا مەن رەسەيدە قازاقستاننىڭ مادەني كۇندەرى وتتى. ال قازاقستاندا ۆьەتنام حالقىنىڭ  مادەني كۇندەرى ۇيىمداستىرىلدى. مۇنداي ىس-شارالار حالىقارالىق مادەني كوممۋنيكاتسييانى نىعايتىپ, ەلدىڭ شىعارماشىلىق جوبالارعا دەگەن قىزىعۋشىلىعىن ارتتىرۋعا ىقپال ەتەدى.

2025 جىلى قازاقستاندىق تەاترلار دا ايتارلىقتاي جەتىستىكتەرگە جەتتى. «استانا وپەرا» تەاترىنىڭ شەتەلدەگى گاسترولьدەرى انشلاگپەن وتىپ, تەاتر ارتىستەرى الەمنىڭ جەتەكشى ساحنالارىندا جوعارى باعالاندى. اتاپ ايتقاندا, نۇرسۇلتان انۋاربەك الەمدىك وپەراداعى ەڭ بەدەلدى جوبالاردىڭ بىرى – ۇلكەن تەاتردىڭ جاستار باعدارلاماسىنا كونكۋرس ارقىلى قابىلداندى.