2025 jılı Qazaqstanıñ mädeniet salasındağı jetistikteri aytarlıqtay köp boldı. Beyjiñ qalasında Qazaqstannıñ mädeniet ortalığı aşıldı, dep habarlaydı Shalqar.kz. Ortalıq öner, til jäne mädeni almasuğa jäne elimizdiñ mwrasın tanıstıruğa arnalğan eñ iri alañğa aynaldı. Ortalıq 2000-nan astam adamdı qabıldap ülgerdi. Mädeniet alañı körme, bilim beru jäne ağartuşılıq bağıtta jwmıs isteydi. Bwl Memleket basşısınıñ Qazaqstannıñ mädeni diplomatiyasın nığaytu jönindegi tapsırmalarına tolıq say keledi.

2025 jılğı mädeni oqiğalardıñ işinen Nwrğisa Tilendievtiñ 100 jıldıq mereytoyın erekşe atap ötken jön. Ataulı kün YUNESKO-nıñ 2024–2025 jıldarğa arnalğan halıqaralıq deñgeyde atalıp ötetin mereytoylar tizimine endi. Bwl – kompozitordıñ älemdik muzıka mädenietine qosqan ülesin ayqındaytın oqiğa. YUNESKO kompozitordıñ qazaq dästürin, fol'klorlıq mwra men zamanaui muzıkanı üylestire bilgen käsibi şeberligin joğarı bağaladı.

Sonımen qatar, Abaydıñ 180 jıldığına oray Rim qalasında wlı aqınnıñ eskertkişi ornatıldı. Bwl mañızdı oqiğa Italiya halqınıñ nazarın audarıp, Qazaqstan men Europa arasındağı mädeni baylanıstı nığayttı. Qırğızstannıñ Oş qalasında Abay atındağı köşe, eskertkiş jäne muzey aşıldı. Bwl – elderimiz arasındağı berik baylanıs pen qazaq oyşılınıñ ortaq mädeni tarihtağı orının ayşıqtaydı.

Sonday-aq Armeniyadağı Qazaqstan mädenieti künderi ayasında Erevan qalasında Abay Qwnanbaywlı atındağı sayabaqtıñ saltanattı aşıluı ötti. Bwl oqiğa Prezidentimizdiñ Erevanğa jasağan resmi saparı barısında memleket basşıları deñgeyinde jasalğan kelisimderdiñ nätijesinde jüzege astı.

Tamız ayında Qazaqstan men Qırğızstan prezidentteri qatısqan Mwhtar Äuezov pen Şıñğıs Aytmatovqa arnalğan eskertkiştiñ aşıluı ötti. Eskertkiş Qazaqstan men Qırğızstan arasındağı ruhani jäne ädebi birliktiñ simvolına aynaldı.

Biıl Aqtau qalasına Türki äleminiñ mädeni astanası degen märtebe berildi. Bwl märtebeni Halıqaralıq TÜRKSOY wyımı berdi. Aqtau jiırmadan astam eldiñ mädeniet maytalmandarın qabıldap, festival', körmeler, konferenciyalar men şığarmaşılıq jobalar wyımdastırdı.

Sonday-aq biıl Armeniya men Reseyde Qazaqstannıñ mädeni künderi ötti. Al Qazaqstanda V'etnam halqınıñ  mädeni künderi wyımdastırıldı. Mwnday is-şaralar halıqaralıq mädeni kommunikaciyanı nığaytıp, eldiñ şığarmaşılıq jobalarğa degen qızığuşılığın arttıruğa ıqpal etedi.

2025 jılı qazaqstandıq teatrlar da aytarlıqtay jetistikterge jetti. «Astana Opera» teatrınıñ şeteldegi gastrol'deri anşlagpen ötip, teatr ärtisteri älemniñ jetekşi sahnalarında joğarı bağalandı. Atap aytqanda, Nwrswltan Änuarbek älemdik operadağı eñ bedeldi jobalardıñ biri – Ülken teatrdıñ Jastar bağdarlamasına konkurs arqılı qabıldandı.