Astıq eksporttauşılar biıldan bastap jaña önimnen jinalğan bidaydı şetelge jönelte aladı, dep habarlaydı Shalqar.kz “QR Auıl şaruaşılığı ministrligine” silteme jasap. Bwl 2026 jıldıñ basında kölik şığındarınıñ bir böligin memleketten subsidiya retinde qaytarıp aluğa mümkindik beredi. Kelesi jılı astıq tasımalın qoldauğa 30 mlrd teñgeden astam qarjı bölinedi.

Astıqtı keybir narıqtarğa jetkizu 30 künge deyin sozıladı. Sondıqtan eksporttauşılarğa jöneltudi aldın ala bastau wsınıladı. Subsidiya alu üşin eñ bastı talap – astıqtıñ 2026 jılı naqtı jetkizilgenin däleldeytin qwjattardıñ boluı.

2024 jılı Qazaqstanda astıq pen maylı daqıldardan öte mol önim alındı. Al Ortalıq Aziya narıqtarınıñ mümkindigi şekteuli bolğandıqtan, astıq artıq jinalıp, işki narıqta bağağa qısım tüsti. 2024 jıldıñ soñında joğarı bäsekelstik pen ötkizudiñ şekteuligi saldarınan astıq bağası tömendedi.

Osı jağdaydı retteu üşin Ükimet astıq eksportındağı kölik şığındarın subsidiyalau bağdarlamasın iske qostı. Nätijesinde astıq satılatın elder köbeyip, tasımal kölemi arttı.

2025 jıldıñ 11 ayında temirjol arqılı astıq tasımalı:

 • Qara teñiz porttarına – 2,5 ese,

 • Reseydiñ Baltıq teñizi porttarına – şamamen 3 ese,

 • Baltıq elderine – 8 ese,

 • Äzerbayjanğa – 5,5 ese,

 • Iranğa – 2 ese arttı.

Eksporttıñ wlğayuı işki narıqqa jaqsı äser etti, yağni, bağa twraqtaldı, arzanğa satudıñ (demping) qaupi azaydı, logistika, qayta öñdeu jäne servistik salalar damıdı.

Biıl da şarualar mol önim aldı, äri ötken jıldan qalğan astıq qorı saqtaldı. Bağdarlamanıñ tiimdiligin eskerip, Ükimet 2026 jılı da eksporttauşılar men astıq öndiruşilerdi qoldaudı jalğastıradı.

2025 jıldıñ 11 ayında barlığı 12,6 mln tonna astıq tasımaldandı, bwl ötken jılmen salıstırğanda 34%-ğa köp. Onıñ 9,7 mln tonnası eksportqa şığarıldı.

Al 2025–2026 marketingtik jıldıñ alğaşqı üş ayında (qırküyek–qaraşa) 4,4 mln tonna astıq tasımaldanıp, eksport 3,4 mln tonnağa jetti.

2025 jıldıñ jeltoqsanında işki narıqtağı biday bağası 2024 jılmen salıstırğanda 40–50%-ğa joğarı boldı. Bir tonnağa 40 AQŞ dolları kölemindegi kölik subsidiyası şarualarğa tabıstı saqtauğa, qazaqstandıq bidaydıñ bäsekege qabilettiligin arttıruğa jäne Europa, Afrika, Tayau Şığıs pen Ortalıq Aziya narıqtarında ornın nığaytuğa ıqpal etedi.