Бүгін қазақтың көрнекті жазушысы, журналист, ғалым, педагог Әбілфайыз Ыдырысовтың туғанына 95 жыл толды. Ол қазақ әдебиеті мен журналистикасына зор үлес қосқан тұлғалардың бірі, деп хабарлайды Shalqar.kz

Әбілфайыз Ыдырысов 1930 жылы Қостанай облысы, Амангелді ауданы, Егіндісай ауылында дүниеге келген. Ол жазушы, журналист, педагог, тарих ғылымдарының кандидаты ретінде танылды. Еңбек жолын «Қазақстан пионері» газетінде әдеби қызметкер болып бастап, кейін бас редактор қызметіне дейін көтерілді. Сондай-ақ, радиода, республикалық басылымдарда қызмет атқарып, әл-Фараби атындағы Қазақ ұлттық университетінде ұзақ жылдар бойы ұстаздық етті.