«Болашақ» бағдарламасы аясында бакалавриат деңгейінде оқуға арналған жаңа бағыт іске қосылады, деп хабарлайды Shalqar.kz. Халықаралық бағдарламалар орталығында мектеп түлектеріне арналған стипендияға іріктеудің негізгі шарттары түсіндірілді. 

Орталықтың мәліметінше, жаңа бағыт дарынды мектеп түлектерін қолдауға және зияткерлік әлеуеттің шетелге кетуінің алдын алуға бағытталған. 

Жаңа бағыт бойынша барлығы 20 шәкіртақы бөлу жоспарланып отыр.

— Іріктеуге тек соңғы үш жыл ішінде жалпы білім беретін пәндер бойынша халықаралық олимпиадалардың, ғылыми жобаларға арналған халықаралық конкурстардың немесе халықаралық орындаушылар байқауларының I–III дәрежелі дипломдарын иеленген Қазақстан Республикасының азаматтары қатыса алады, — деп нақтылады Халықаралық бағдарламалар орталығында.