Қазақстанда Ұлттық Бірыңғай Тестілеу (ҰБТ) сұрақтарын жасау процесіне жасанды интеллект енгізілмек. Ғылым және жоғары білім министрлігі Мемлекеттік қызметтерді цифрландыру және автоматтандыру департаментінің директоры Нұрсұлтан Махатов бұл жаңалықты жариялады, деп хабарлайды Shalqar.kz.

Махатовтың айтуынша, ұлттық жасанды интеллект платформасы аясында бірнеше маңызды жоба жүзеге асырылады. Олардың бірі — 2025 жылы ҰБТ өткізуге қатысты нормативтік ережелер, статистикалық ақпараттар және гранттарға түсу бойынша консультациялар беретін AI Talapker чат-боты. Сонымен қатар, ҰБТ тапсыру кезінде академиялық адалдықты қамтамасыз ету және тест тапсырмаларын әзірлеу мақсатында ЖИ енгізу жоспарланып отыр. Бұл шаралар білім сапасын арттырып, тестілеу процесінің әділдігін қамтамасыз етуге бағытталған.