Almatıda Jaña jıl merekesi qarsañında qala twrğındarı men qonaqtarı üşin keñ auqımdı mädeni-oyın-sauıq bağdarlamaları wyımdastırıladı. Merekelik is-şaralar qaladağı bastı alañdar men mädeni nısandarda ötedi, dep habarlaydı Shalqar.kz.

26 jeltoqsan küni sağat 19:00–de Abay alañında «Almatı äuenderi» şığarmaşılıq wjımı jaña jılğa arnalğan «Kel, Jaña jıl!» attı merekelik koncerttik bağdarlamasın wsınadı. Koncertte otandıq estradanıñ tanımal jwldızdarı Dälel Uäşev, Öktem Altaev, Dimaş Däuletov, Tahmina Äşimbekova, «Muzart life» tobı, Erik Tölenov, Ashat Tarğın, Lara Rısbay, DARO, İnju Änuarbek, Ğarifa Igisinova, Beybitgül Nwrımhojina jäne Abik Jeksen köpşilikke keñinen tanımal hit änderdi orındaydı. Bağdarlama barlıq jastağı körermenge arnalğan.

27-28 jeltoqsan künderi 18:30–20:00 aralığında Abay alañında jaña jıldıq gala-koncert ötedi. Merekelik keşte wlttıq öner men zamanaui muzıkanıñ üylesimin wsınatın erekşe bağdarlama körermen nazarına wsınıladı. Sahnada:

• «Alatau» dästürli öner teatrınıñ artisteri;

• Toqtar men Beybit;

• «Meloman» tobı;

• Quandıq Rahım;

• «Wlıtau» tobı;

• Qosqanat pen Gauhar;

• «KeşYOU» tobı;

• Wlanğasır Qami;

• Äset Esjan öner körsetedi.

Bwl keş merekelik köñil-küymen, otbası men dostardıñ janında Jaña jıldı erekşe atap ötuge jol aşadı.

Sonday-aq, 27-28 jeltoqsan künderi sağat 12:00–22:00 aralığında Panfilov köşesinde «Panfilovtağı Jaña jıl» festivaliniñ negizgi kezeñi ötedi. Festival' ayasında üş metrlik marionetkalar, akterler men zamanaui jarıq effektileriniñ kömegimen immersivti teatrlandırılğan qoyılım körsetiledi. Erekşe scenariy boyınşa jazılğan almatılıq jaña ertegige negizdelgen bwl qoyılım balalar men eresekterdi keyipkerlermen etene aralasuğa şaqıradı. Festival' aumağında qalalıq snow-park jwmıs istep, körsetilimdik sırğanaular men sporttıq jarıstar wyımdastırıladı. Jaña talanttardı anıqtau maqsatında jas muzıkanttar bayqauı ötkiziledi. Festival' ayasında «Eko-şırşa» bayqauı qorıtındılanıp, jeñimpazdar aqşalay sıylıqtarmen marapattaladı.

31 jeltoqsan küni Astana alañında sağat 18:00–den 00:30–ğa deyin jalğasatın bastı jaña jıldıq koncert ötedi. Keş barısında Maqpal Isabekova, Älişer Kärimov, Aqılbek Jemeney, Beybit Qorğan, Ringo tobı, Ninety One tobı, Ayree, Astra tobı, Dakelot, Däulet Janbolat sındı tanımal estrada jwldızdarı öner körsetedi.

Koncert bağdarlamasınıñ erekşe bölimi — DJ BATTLE. Batl barısında didjeyler jaña jıldıq äuender men tanımal hitterdi zamanaui ärleude wsınatın avtorlıq miksterin orındap, keşke erekşe dinamika men atmosfera sıylaydı.

Qazaq memlekettik cirkinde 11 qañtarğa deyin «CHRISTMAS STARS» attı jaña jıldıq şou-prem'eranıñ körsetilimi jalğasadı. Bwl meyirim, dostıq pen ğajayıpqa tolı, eresekter men balalarğa arnalğan birtwtas syujetke qwrılğan merekelik qoyılım. Bağdarlamada qolğa üyretilgen ekzotikalıq qwstar men januarlar — totıqwstar, şimpanzeler, äsem jüristi attar, şağın twqımdı itter jäne körermenderdiñ süyiktisi ayuqızı YAna öner körsetedi.

29 jeltoqsan men 4 qañtar aralığında Memlekettik quırşaq teatrında balalar men eresekterge arnalğan «Mul'ti Jaña jıl» merekelik oyın-sauıqtıq bağdarlaması ötedi. Kişkentay büldirşinder türli ğalamdarğa sayahat jasap, Lilo men Stiç, Eş pen Pikaçu, Kiki men Naruto jäne tağı da basqa äygili qaharmandarmen tanısıp, meyirimdi Ayaz Atanıñ kömegimen ertegiler älemi Quırşaqtar eline jol tartadı.

Sonımen qatar, qalanıñ 8 audanında arnayı bezendirilgen orındarda kün sayın Ayaz Ata men ertegi keyipkerler qatısatın merekelik koncertter, oyın-sauıq bağdarlamaları men interaktivti oyındar ötedi.