2024 жылдың қаңтар-қыркүйек айларында еліміздің курорттық аймақтарына 3,4 миллионнан астам турист сапарлаған. Қонақ үйлер мен басқа да орналастыру орындарының қызмет көрсету көлемі 129 миллиард теңгеге жетті, деп хабарлайды Shalqar.kz.

Егер Қазақстанда демалысты қайда өткізеріңізді білмесеңіз, туристер арасында ең танымал 5 демалыс орнын ұсынамыз!

5-орын: Балқаш – шөл мен су түйіскен мекен

Балқаш көлі – жартылай тұщы, жартылай тұзды ерекше су айдыны. Өткен жылы бұл курорттық аймақ 120 948 туристі қабылдаған. Жағажай демалысын жақсы көретіндер үшін тамаша таңдау!

4-орын: Алакөл – емдік қасиетімен танымал көл

Алакөл көлінің Абай облысындағы бөлігіне 125 621, ал Жетісу облысындағы жағына 113 059 турист барған. Минералға бай суы денсаулыққа пайдалы деп саналады.

3-орын: Щучье-Бурабай – табиғат аясындағы тыныштық

Қалың ормандары, мөлдір көлдері және заманауи курорттық кешендері бар бұл өңірде 275 295 адам демалған. Мұнда келушілерге белсенді демалыс түрлері де, жайлы шипажайларда тынығу мүмкіндігі де бар.

2-орын: Маңғыстау – Каспий жағалауындағы жұмақ

Каспий теңізінің жағалауында орналасқан бұл өңір 325 013 туристі қабылдаған. Ақтау маңындағы жағажайлар мен Бозжыра сияқты көрікті жерлер Маңғыстауды ерекше етеді.

1-орын: Алматы тау кластері – жылдың кез келген мезгілінде керемет демалыс орны

Тізімнің көшбасшысы – Алматының тау кластері! Бұл аймаққа 1 996 801 саяхатшы сапарлаған. Көк-төбеден бастап Шымбұлақ пен Медеуге дейінгі аймақтар альпинистер, шаңғышылар және табиғат аясында демалғанды ұнататындар үшін тамаша орын.

Егер алдағы демалысыңызды Қазақстанда өткізуді ойласаңыз, осы бағыттардың бірін таңдаңыз!