Қытайдың Таншань қаласында Астанаға арналған LRT пойыздарының алғашқы вагондары құрастырыла бастады, деп хабарлайды Shalqar.kz қалалық әкімдіктің баспасөз қызметіне сілтеме жасап.

Жалпы 19 дана жылжымалы құрамға тапсырыс берілген. Алғашқы пойыздар қыркүйек айында елордаға жеткізіліп, сынақтан өткізілмек.

Жаңа төрт секциялы вагондар толық жүктелгенде 600-ден астам жолаушыны тасымалдауға қауқарлы. Сондай-ақ, Астананың қатал климатын ескере отырып, алдыңғы әйнек электрлік жылыту жүйесімен жабдықталған, бұл кенеттен болған температура өзгерістерінде буланудың алдын алады.

LRT жобасының іске қосылуы елордадағы қоғамдық көліктің тиімділігін арттырып, қала тұрғындары мен қонақтарының қатынауын жеңілдетеді деп күтілуде.