«قازگيدرومەت» رمك سينوپتيكتەرى 12 قاڭتار كۇنى ەلىمىزدىڭ بىرنەشە وڭىرىندە قولايسىز اۋا رايى كۇتىلەتىنىن حابارلاپ, تۇرعىندارعا ساق بولۋدى ەسكەرتتى, دەپ حابارلايدى Shalqar.kz.

الماتى وبلىسىنىڭ وڭتۇستىك تاۋلى ايماقتارىندا كەي ۋاقىتتا تۇمان بولادى. قوناەۆ قالاسىندا تۇندە جانە تاڭەرتەڭ تۇمان كۇتىلەدى.

الماتى قالاسىندا تۇنگى جانە تاڭعى ۋاقىتتا تۇمان تۇسۋى ىقتيمال.

اتىراۋ وبلىسىنىڭ سولتۇستىك, باتىس جانە وڭتۇستىك بولىكتەرىندە تۇمان مەن كوكتايعاق كۇتىلەدى. وڭتۇستىك-شىعىستان جەل سوعىپ, كۇندىز وبلىستىڭ سولتۇستىك, شىعىس جانە وڭتۇستىك اۋداندارىندا جەلدىڭ ەكپىنى 15-20 م/س جەتەدى. اتىراۋ قالاسىندا تۇنگى جانە تاڭعى ۋاقىتتا تۇمان مەن كوكتايعاق كۇتىلەدى. جەلدىڭ ەكپىنى كۇندىز – 15-18 م/س.

باتىس قازاقستان وبلىسىنىڭ باتىسى مەن سولتۇستىگىندە جاۋىن-شاشىن (جاڭبىر, قار), جاياۋ بۇرقاسىن جانە كوكتايعاق كۇتىلەدى. وبلىستىڭ باتىسى, سولتۇستىگى جانە شىعىسىندا تۇمان بولادى. جەل وڭتۇستىك-شىعىس جانە شىعىس باعىتتارىنان سوعىپ, كۇندىز باتىس جانە وڭتۇستىك اۋدانداردا ەكپىنى 15-20 م/س جەتەدى. ورال قالاسىندا تۇنگى جانە تاڭعى ۋاقىتتا تۇمان تۇسەدى.

اقمولا وبلىسىندا قار, بۇرقاسىن جانە كوكتايعاق كۇتىلەدى. كۇندىز وبلىستىڭ شىعىس جارتىسىندا قار مەن بۇرقاسىن ساقتالادى. وبلىستىڭ باتىسى, سولتۇستىگى جانە شىعىسىندا تۇمان بولادى. جەل باتىستان سوعىپ, وبلىستىڭ سولتۇستىك, وڭتۇستىك جانە شىعىس بولىكتەرىندە ەكپىنى 15-20 م/س, كۇندىز كەي جەرلەردە 25 م/س جەتەدى. كوكشەتاۋ قالاسىندا تۇندە جانە تاڭەرتەڭ قار, جاياۋ بۇرقاسىن جانە كوكتايعاق كۇتىلىپ وتىر. جەلدىڭ ەكپىنى كۇندىز 15-20 م/س شاماسىندا.

اقتوبە وبلىسىنىڭ سولتۇستىك, باتىس جانە وڭتۇستىك ايماقتارىندا تۇمان مەن كوكتايعاق كۇتىلەدى. اقتوبە قالاسىندا تۇمان بولادى.

شىعىس قازاقستان وبلىسىنىڭ باتىسى, سولتۇستىگى جانە شىعىسىندا قار, بۇرقاسىن جانە كوكتايعاق ساقتالادى. كۇندىز جاۋىن-شاشىن (جاڭبىر, قار), بۇرقاسىن جانە كوكتايعاق بولادى, وبلىستىڭ شىعىس بولىگىندە قاتتى قار جاۋادى. جەل وڭتۇستىكتەن جانە وڭتۇستىك-باتىستان سوعىپ, وبلىستىڭ سولتۇستىك, وڭتۇستىك جانە شىعىس اۋداندارىندا ەكپىنى 15-20 م/س, كەي جەرلەردە 25 م/س جەتەدى. وسكەمەن قالاسىندا تۇندە قار مەن بۇرقاسىن, كۇندىز جاۋىن-شاشىن, بۇرقاسىن جانە كوكتايعاق بولادى. جەلدىڭ ەكپىنى 15-20 م/س شاماسىندا. 

اباي وبلىسىنىڭ سولتۇستىك جانە ورتالىق بولىكتەرىندە قار مەن بۇرقاسىن بولادى. كۇندىز جاڭبىر مەن قار جاۋىپ, بۇرقاسىن جانە كوكتايعاق كۇتىلەدى. جەل وڭتۇستىك-باتىستان سوعىپ, وبلىستىڭ باتىسى, سولتۇستىگى جانە ورتالىعىندا 15-20 م/س جىلدامدىقپەن, كەي جەرلەردە ەكپىنى 23-28 م/س جەتەدى. سەمەي قالاسىندا كۇندىز جاڭبىر مەن قار جاۋىپ, بۇرقاسىن جانە كوكتايعاق بولادى. جەل وڭتۇستىك-باتىستان سوعىپ, ەكپىنى – 15-20 م/س.

ماڭعىستاۋ وبلىسىنىڭ باتىسى مەن سولتۇستىگىندە كوكتايعاق كۇتىلەدى. سونىمەن قاتار وبلىستىڭ باتىسى, سولتۇستىگى جانە ورتالىعىندا تۇمان بولادى. جەل وڭتۇستىك-شىعىستان سوعىپ, تۇندە وبلىستىڭ باتىسى مەن وڭتۇستىگىندە ەكپىنى 15-20 م/س, كۇندىز 15-20 م/س, كەي ۋاقىتتا باتىستا 25 م/س جەتەدى. اقتاۋدا تۇندە جانە تاڭەرتەڭ تۇمان بولادى, جەل وڭتۇستىك-شىعىستان سوعىپ, ەكپىنى 15-20 م/س شاماسىندا بولادى.

قوستاناي وبلىسىنىڭ شىعىسى مەن وڭتۇستىگىندە قار, جاياۋ بۇرقاسىن جانە كوكتايعاق كۇتىلەدى. وبلىستىڭ باتىسى, سولتۇستىگى جانە وڭتۇستىگىندە تۇمان بولادى. قوستاناي قالاسىندا دا تۇمان كۇتىلىپ وتىر. 

قىزىلوردا وبلىسىنىڭ شىعىسى مەن وڭتۇستىگىندە كوكتايعاق بولادى. وبلىستىڭ وڭتۇستىگى, سولتۇستىگى جانە ورتالىعىندا تۇمان كۇتىلەدى. قىزىلوردا قالاسىنا دا تۇمان تۇسەدى.

پاۆلودار وبلىسىنىڭ باتىسى مەن سولتۇستىگىندە قار, جاياۋ بۇرقاسىن, كوكتايعاق, كۇندىز جاڭبىر مەن قار جاۋىپ, بۇرقاسىن جانە كوكتايعاق بولادى. جەل باتىستان سوعىپ, ەكپىنى 15-20 م/س شاماسىندا. پاۆلودار قالاسىندا تۇندە قار, كۇندىز جاڭبىر مەن قار جاۋىپ, جاياۋ بۇرقاسىن جانە كوكتايعاق بولادى. جەل باتىستان سوعىپ, ەكپىنى – 15-20 م/س.

استانا قالاسىندا قار, بۇرقاسىن جانە كوكتايعاق بولادى. جەل باتىستان سوعىپ, ەكپىنى 15-20 م/س شاماسىندا بولادى.

سولتۇستىك قازاقستان وبلىسىندا قار مەن بۇرقاسىن كۇتىلەدى. كۇندىز وبلىستىڭ شىعىسى مەن وڭتۇستىگىندە قار مەن بۇرقاسىن, وبلىستىڭ سولتۇستىگىندە ازداعان قار مەن جاياۋ بۇرقاسىن بولجانىپ وتىر. وبلىستىڭ باتىسى مەن وڭتۇستىگىندە تۇمان بولادى. جەل سولتۇستىك-باتىستان سوعىپ, وبلىستىڭ شىعىسى مەن وڭتۇستىگىندە ەكپىنى 15-20 م/س شاماسىندا. پەتروپاۆل قالاسىندا تۇندە قار, كۇندىز ازداعان قار جانە جاياۋ بۇرقاسىن بولادى.