قازاقستاندا كرەاتيۆتى يندۋسترييا سۋبъەكتتەرىن مەملەكەتتىك قولداۋ جانە ىنتالاندىرۋ قاعيدالارى بەكىتىلدى, دەپ حابارلايدى Shalqar.kz. جاڭا قۇجات سالانى دامىتۋدىڭ جۇيەلى ارى اشىق تاسىلىن قالىپتاستىرىپ, كرەاتيۆتى جوبالاردىڭ يدەيا مەن پيلوتتىق شەشىمدەردەن باستاپ, حالىقارالىق نارىقتارعا شىعۋ جانە كوممەرتسييالاندىرۋعا دەيىنگى كەزەڭىن قامتيدى. قارجىنى قايتارۋ ماسەلەسىنە دە ەرەكشە مان بەرىلگەن. مەملەكەتتىك قولداۋ جوبالاردىڭ تۇراقتىلىعى مەن ەكونوميكالىق جاعدايىنا باعىتتالىپ, گرانت ارقىلى قارجىلاندىرۋ ۇلەسىن بارىنشا ازايتۋدى جانە جەكە ينۆەستيتسييا تارتۋدى كوزدەيدى. قۇجاتتا كرەاتيۆتى جانە پيلوتتىق جوبالاردى قارجىلاندىرۋ, بىرلەسىپ قارجىلاندىرۋعا ارنالعان قارجىلىق قۇرالدار, جەكە ينۆەستورلارمەن بىرلەسكەن باستامالاردى ىسكە اسىرۋ, كرەاتيۆتى ونىم ەكسپورتىن قولداۋ, زيياتكەرلىك مەنشىكتى تىركەۋ جانە قۇقىقتىق قورعاۋعا جۇمسالعان شىعىنداردى وتەۋ, حالىقارالىق شىعارماشىلىق بايقاۋلار مەن ىس-شارالارعا قاتىسۋ, سونداي-اق حالىقارالىق دەڭگەيدەگى جەتىستىكتەر ۇشىن سىياقى بەرۋ ماسەلەلەرى قاراستىرىلعان. سونىمەن قاتار, قارجىلىق ەمەس قولداۋ شارالارى دا انىقتالعان. ولارعا كونسۋلьتاتسييالىق, اكسەلەراتسييالىق جانە بىلىم بەرۋ بويىنشا قولداۋ, حالىقارالىق مادەني جانە كرەاتيۆتى پلاتفورمالارعا قاتىسۋعا جاردەمدەسۋ, ۇي-جايلار مەن جابدىقتاردى جەڭىلدەتىلگەن شارتتارمەن ۇسىنۋ, تسيفرلىق سەرۆيستەر مەن ونلاين-پلاتفورمالاردى دامىتۋ, جوبالارعا ماركەتينگتىك جانە قۇقىقتىق جەتەكشىلىك ەتۋ, كرەاتيۆتى يندۋسترييانى دامىتۋدىڭ وڭىرلىك ستراتەگييالارىن ازىرلەۋ, ينكليۋزييانى قامتاماسىز ەتۋ شارالارى جانە سالانىڭ جەكەلەگەن باعىتتارى بويىنشا ارنايى باعدارلامالار كىرەدى. قاعيدالاردىڭ قابىلدانۋى كرەاتيۆتى يندۋسترييانى ەل ەكونوميكاسىنىڭ ماڭىزدى جانە باسەكەگە قابىلەتتى سالاسىنا اينالدىرۋعا باعىتتالعان. كرەاتيۆتى يندۋسترييا ەل ۇشىن تابىس اكەلىپ, جۇمىس ورىندارىن قۇرىپ, ەكسپورتتى دامىتۋعا مۇمكىندىك بەرەدى.