Qazaqstanda kreativti industriya sub'ektterin memlekettik qoldau jäne ıntalandıru qağidaları bekitildi, dep habarlaydı Shalqar.kz. Jaña qwjat salanı damıtudıñ jüyeli äri aşıq täsilin qalıptastırıp, kreativti jobalardıñ ideya men pilottıq şeşimderden bastap, halıqaralıq narıqtarğa şığu jäne kommerciyalandıruğa deyingi kezeñin qamtidı. Qarjını qaytaru mäselesine de erekşe män berilgen. Memlekettik qoldau jobalardıñ twraqtılığı men ekonomikalıq jağdayına bağıttalıp, grant arqılı qarjılandıru ülesin barınşa azaytudı jäne jeke investiciya tartudı közdeydi. Qwjatta kreativti jäne pilottıq jobalardı qarjılandıru, birlesip qarjılandıruğa arnalğan qarjılıq qwraldar, jeke investorlarmen birlesken bastamalardı iske asıru, kreativti önim eksportın qoldau, ziyatkerlik menşikti tirkeu jäne qwqıqtıq qorğauğa jwmsalğan şığındardı öteu, halıqaralıq şığarmaşılıq bayqaular men is-şaralarğa qatısu, sonday-aq halıqaralıq deñgeydegi jetistikter üşin sıyaqı beru mäseleleri qarastırılğan. Sonımen qatar, qarjılıq emes qoldau şaraları da anıqtalğan. Olarğa konsul'taciyalıq, akseleraciyalıq jäne bilim beru boyınşa qoldau, halıqaralıq mädeni jäne kreativti platformalarğa qatısuğa järdemdesu, üy-jaylar men jabdıqtardı jeñildetilgen şarttarmen wsınu, cifrlıq servister men onlayn-platformalardı damıtu, jobalarğa marketingtik jäne qwqıqtıq jetekşilik etu, kreativti industriyanı damıtudıñ öñirlik strategiyaların äzirleu, inklyuziyanı qamtamasız etu şaraları jäne salanıñ jekelegen bağıttarı boyınşa arnayı bağdarlamalar kiredi. Qağidalardıñ qabıldanuı kreativti industriyanı el ekonomikasınıñ mañızdı jäne bäsekege qabiletti salasına aynaldıruğa bağıttalğan. Kreativti industriya el üşin tabıs äkelip, jwmıs orındarın qwrıp, eksporttı damıtuğa mümkindik beredi.