«Sergek» intellektualdı qoğamdıq jäne jol qauipsizdik jüyesi keyingi bir jılda Qazaqstanda 10 millionnan astam äkimşilik ereje bwzu deregin tirkedi, dep habarlaydı Shalqar.kz.

İşki ister ministrliginiñ resmi saualğa bergen jauabında kameralar jol erejesin bwzudıñ eñ köp taralğan türlerin avtomattı tärtipte anıqtaytının atap ötken. 

Vedomstvo aqparatına qarağanda, joldağı qauipsizdikti jäne jürgizuşi tärtibin jaqsartu üşin el boyınşa şamamen 27 800 kamera ornatılğan.

- Esepti kezeñde osı jüyelerden alınğan derekterdi paydalana otırıp, äkimşilik ayıppwldardı töleu turalı 10 millionnan astam nwsqama şığarıldı», - delingen ministrlik aqparatında. 

Intellektualdı jüyeler inspektorlardıñ tikeley qatısuınsız ereje bwzu deregin avtomattı türde anıqtauğa mümkindik beredi.

Jürgizuşiler ayıppwldarğa qanşalıqtı jii şağımdanadı?

İşki ister ministrliginiñ habarlauınşa, äkimşilik qwqıq bwzu derekterin qaraytın organdardıñ äreketteri men şeşimderine şağımdanu belgilengen tärtippen, yağni Äkimşilik qwqıq bwzuşılıq turalı kodeksiniñ 44 jäne 44-1 taraularına säykes jürgiziledi.

Barlıq şağım qoldanıstağı proceduralıq normalar ayasında jeke qarastırıladı.

Vedomstvo avtomattı jüyede jekelegen tehnikalıq aqaular boluı mümkin ekenin moyındadı. Bwl twrğıda keyde kölik nömirlerin dwrıs tanu mümkin bolmay jatadı. 

- Mwnday jağdaylar tehnikalıq sipatta jäne köp kezdespeydi. Osınday materialdar boyınşa ayıppwldar joyıladı, - dep naqtıladı İşki ister ministrligi.

Eske salsaq, 2025 jılı jazda Astanada Sergek drondarı sınaqtan ötip jatqanı mälim boldı.

Bıltar qazan ayında «Sergek» beynebaqılau jüyesin arab kompaniyasına beru turalı mäselege elorda äkimi Jeñis Qasımbek Nwra audanınıñ twrğındarımen kezdesude tüsinikteme berdi.