2025 jıl Qazaqstannıñ äskeri qızmetşilerin äleumettik qamtamasız etu jüyesi üşin eñ mazmwndı özgeristerge tolı kezeñderdiñ biri boldı. Qabıldanğan şaralar aqşalay ülespen qamtudı, twrğın üy mäselelerin, bilim beru, otbasılardı qoldau jäne qızmet ayaqtalğannan keyin azamattıq ömirge beyimdeudi qamtıdı. Bwl turalı Qorğanıs ministrligi jazdı, dep habarlaydı Shalqar.kz.

Negizgi qadamdardıñ biri lauazımdıq jalaqılardıñ ösui boldı. 2025 jılğı 1 qañtardan bastap oficerlik qwramnıñ jalaqısı orta eseppen 20,3 payızğa, al qatardağı jäne serjanttıq qwramdiki 33,9 payızğa arttı. Sonımen qatar bwrın joyılğan dalalıq tölemder jüyesi qayta engizildi. 1 şildeden bastap äskeri qızmetşilerge dalalıq şığularğa, teñiz jorıqtarına jäne oqu-jattığularğa qatısqan ärbir täulik üşin issapar räsimdemey-aq, 1,2 aylıq eseptik körsetkiş mölşerinde dalalıq tölemder tölene bastadı. 

Aldağı uaqıtta da qosımşa özgerister josparlanğan. 2026 jılğı 1 qañtardan bastap eñbekaqı töleudiñ jaña jüyesi ayasında jalaqını arttırudıñ ekinşi kezeñi iske asadı. YAğni, oficerler üşin tağı 23 payızğa, al qatardağı jäne serjanttıq qwram üşin birinşi kezeñ deñgeyinen 10 payızğa ösiru közdelgen. 

Twrğın üymen qamtamasız etu salası da eleuli türde damıdı. 2025 jıldıñ 17 qaraşasınan bastap «Otbası bank» twrğın üy tölemderin alatın äskeri qızmetşilerge arnalğan arnayı ipotekalıq önimderdi iske qostı. Bastapqı jarnası 20 payızdıq «Äskeri baspana» bağdarlaması qaytalama twrğın üy narığınan baspana satıp aluğa bağıttalğan. Aldın ala qarız boyınşa payızdıq mölşerleme jılına 18 payız jäne twrğın üy qwnınıñ 50 payızı jinaqtalğan kezde 5 payızğa tömendeydi. «Naurız äskeri» bağdarlaması bastapqı jarnasız jaña qwrılıstan päter satıp aluğa mümkindik beredi. Astana men Almatı qalalarında qarızdıñ eñ joğarı soması 36 mln teñgege deyin, basqa öñirlerde 30 mln teñgege deyin, al bastapqı jarna 20 payızdan asqan jağdayda 80 mln teñgege deyin jetedi. Qarız boyınşa payızdıq mölşerleme jılına 9 payızdı qwraydı. 

2025 jılı äskeri qızmetşilerdiñ otbasıların qoldauğa da erekşe köñil bölindi. Äskeri qızmetşilerdiñ mıñnan astam balası «Baldäuren» balalar sauıqtıru ortalığında demalıp, densaulıqtarın nığayttı. Bwl Qorğanıs ministrliginiñ äleumettik sayasatınıñ mañızdı böligine aynaldı. 

Sonımen qatar merzimdi äskeri qızmettiñ bedelin arttıru jäne äleumettik kepildikterdi keñeytu jwmıstarı jalğasıp jatır. Sarbaz 2.0 cifrlıq jobası iske qosılğalı beri 9 mıñnan astam üzdik äskeri qızmetşi bilim beru granttarına ie boldı. Onıñ işinde 3 000-nan astamı jataqhanağa basımdıqpen ornalastıru jäne şäkirtaqı töleu qarastırılğan memlekettik granttar ekenin atap ötu kerek. El tarihında alğaş ret irikteu tolıq avtomattandırılğan formatta ötude. Bwl jüye sarbazdardıñ reytingin tärtip, dene dayındığı jäne jauıngerlik dayındıq körsetkişteri boyınşa qalıptastıradı. Al algoritm granttardı tañdalğan joğarı oqu orındarı men mamandıqtar arasında özdiginen böledi. 

Sarbazdar men olardıñ otbasılarına tüsetin qarjılıq jükteme de azaytıldı. 20 mıñnan astam merzimdi äskeri qızmetşi jalpı soması şamamen 8 mlrd teñgeni qwraytın «nesielik demalıstı» paydalandı. Sonımen qatar qızmet barısında sarbazdar eñbek narığında swranısqa ie auır jük köliginiñ jürgizuşisi, ekskavatorşı, baylanıs mamanı, dizelist-elektrik, paramedik jäne basqa da käsipter boyınşa jwmısşı mamandıqtarın tegin meñgere aladı. Oqu ayaqtalğan soñ olarğa sertifikattar beriledi. 

Äleumettik sayasattıñ jaña bağıtı – äskeri qızmetşilerdi qızmetten keyingi ömirge dayarlau. Qorğanıs ministrligi zeynetke şığar aldında äskeri qızmetşilerdi beyimdeu bağdarlamasın iske qostı. Endi olar äskeri joğarı oqu orındarınıñ bazasında mektepterde alğaşqı äskeri dayındıq päninen sabaq beru üşin, sonday-aq äskeri kafedralarda jwmısqa ornalasu maqsatında tegin qayta dayarlaudan öte aladı. Bwl şeşim oficerlerdiñ käsibi äleuetin saqtauğa jäne azamattıq qızmetke birtindep köşuine mümkindik beredi.