АҚШ-тың Лос-Анджелес қаласында жыл сайын өтетін әлемдік киноөнердің ең беделді марапаттарының бірі – “Оскар-2025” жүлдесін тапсыру рәсімі өтті. Биылғы жеңімпаздар арасында күтпеген есімдер де, сыншылардың болжамына сәйкес топ жарған жобалар да бар, деп хабарлайды Shalqar.kz.

“Оскар-2025” негізгі жеңімпаздары:
 • Ең үздік фильм – “Анора”
 • Үздік режиссер – Шон Бейкер (“Анора”)
 • Басты рөлдегі ең үздік актер – Эдриен Броуди (“Бруталист”)
 • Басты рөлдегі ең үздік актриса – Майки Мэдисон (“Анора”)
 • Екінші пландағы үздік ер адам рөлі – Киран Калкин (“A Real Pain”)
 • Екінші пландағы үздік әйел рөлі – Зои Салданья (“Эмилия Перес”)
 • Шетел тіліндегі үздік фильм – “Мен әлі осындамын”
 • Үздік толықметражды анимациялық фильм – “Ағын. Жердегі соңғы мысық”
 • Үздік қысқаметражды анимациялық фильм – “Кипарис көлеңкесінде”

Техникалық номинациялар бойынша үздіктер:
 • Үздік операторлық жұмыс – Лол Кроули (“Бруталист”)
 • Үздік монтаж – “Анора”
 • Үздік дыбыс – “Дюна: екінші бөлім”
 • Үздік визуалды эффектілер – “Дюна: екінші бөлім”
 • Үздік костюм дизайны – “Зұлым: Батыс мыстанының ертегісі”
 • Үздік макияж және шаш үлгісі – “Субстанция”
 • Үздік ерекше саундтрек – Дэниел Блюмберг (“Бруталист”)
 • Үздік ән – El Mal (“Эмилия Перес”)

Айта кетейік, Қазақстан атынан режиссер Асхат Кучинчирековтың “Бауырына салу” фильмі “International Feature Film” номинациясына ұсынылған болатын. Бұл туынды бұған дейін “Тұлпар” ұлттық сыйлығын иеленген еді.