Автор: ADMIN
Лұқман
Құранда Лұқман сүресі 17,18,19 аяттарда баян етіледі.
2- Айтқан насихатыңды өзің де істе.
3- Күшің жететіндей сөз айт. Жұмыс та солай.
4- Әркімнің қадірін, шамасын біліп жүр.
5- Әркімнің құқығын таны. Ол адамдықтың сыры.
6- Сырыңды сақта, еш болмаса күлкі болмайсың
7- Досыңды басыңа қиындық келгенде сына, бай болсаң кім дос болмайды.
7- Ағайыныңды пайда, зиянмен сына. Пайда бере берсең дұшпан да дос болады.
8- Ақымақ наданнан қаша жүр. Көп аралассаң кірлейсің, жақсылық-жамандық оған бірдей.
9- Досың зерек білетін болсын. Жақсылықты білген соң жамандыққа жол жоқ.
11- Жақсы іске асық. Өткен өмір келмейді.
12- Әйелдерді сыйла, аяла, бірақ сенбе.
13- Өлшемді, жөнді білетін адаммен таныс.
14- Айтқан нәсихатыңды куәлап, дәлелдеп айт Сұрап жатса ұялып қалуың мүмкін.
15- Жастықтың қадірін біл, кәртейгенде не істей аласың.
16- Жас кезде екі дүние үшін жұмыс істе.
17- Дос тамырыңды сыйлап жүр, тірліктің сыры.
18- Дос, дұшпаныңа қабағыңды ашып жүр, дұшпаның дос болуға жолы ашылсын.
19- Әке-шеше қадірін біл, негізгі қарауылың ол.
20- Ұстаздардың қадірін біл, жақсылық үйреткен солар ғой.
21- Шығыныңды пайдаңа қарай жаса, қарыздар болып қалуың мүмкін. (Көрпеңе қарай көсіл...)
22- Әр жұмыста орташа бол, көзге түспессің.
23- Жомарт болып үйрен, қарау болма.
24- Қонағыңның жөнін, қызметін біліп істе.
25- Біреудікінде көзіңді, тіліңді абайла.
26- Киімің таза болсын, адам болудың бір сыры.
27- Көптің ішінде жүруді үйрен, саяқ болма.
28- Балаларыңа білім-өнер үйрет, мергендік, ат міну сияқты.
29- Киімді оңнан бастап ки, солдан шеш.
30- Әркімнің шама халына қарай қайрымды бол. Нан сұраса темір, не кітап беріп жүрме.
32- Аз жеу, аз ұйықтауды әдет қыл. Олжаң көп болар.
33- Жақсы көрмеген нәрсеңді, басқаға да арнама, адамдық сенімің артар.
34- Білмеген нәрсеңді елге үйретпе, зиян бересің.
35- Жұмысты мұқият біліп істе, өкінбессің.
36- Бала-шағаңа сырыңды айтпа. Абыройың төгілер.
37- Кісінің малына көз салма, бермесе қайтесің.
38- Жаманнан жақсылық күтпе, арпадан бидай өсе ме?.
39- Әр жұмысты ойлап істе, тастауың қиын.
40- Істемегенді есепке алма, ақылға сыймайды.
41- Әр жұмысты уағында істе, ертеңге қалдырма.
42-Үлкенді мазақ қылма, тілден не қолдан таяқ жерсің.
43- Мәртебелі адамға қысқа сөйле, басқаның да жұмысы бар.
44- Көпке ауыр қалжың айтпа, көтерерін білмейсің.
45- Сұрағанды үмітсіз қылма, ақылмен аралас.
46- Өткен өштікті айтпа, жазылған жараны қасығандай.
47- Басқаның жақсылығын өзіңмен өлшеме, әркім шамасына қарай жүк көтереді.
48- Малыңды дұшпаныңның қолына қойма.
49- Жекжаттықты жекжатыңнан алма, еш болмаса басқадан жақсы ғой.
51- Көзің өзіңе түссе басқаны көре алмайсың.
52- Адамдармен әдепті тұр, сыйлы боларсың.
53- Саусағыңды шошайтпай сөйле, менсінбей.
54- Адамдар арасында тісіңді шұқыма.
55- Көп арасында қақырып сіңбірме.
56- Есінегенде қолыңды аузыңа қой.
57- Елге жалқаулық көрсетпе, сенен өнеге алады.
58- Мұрныңды шұқыма, қан ағуы мүмкін.
59-Қалжың аралас сөз айтпа, шын сөзің зая болады.
60- Біреуді көп арасында ұялтпа, басыңа келеді.
61- Қас қағып, көз қысып сөйлеме, бала емессің.
62- Өткен сөзді қайталама, әдет қылма, бұрын елемесе, енді елеуі мүмкін.
63- Күлдіретін сөзден қаш, бұл дүниеге күлу үшін келмедің.
64- Семья сырыңды сақта, жақсылығыңды елге мақтанба.
65- Әйелге ұқсап сұлуланба, ер болуды үйрен.
66- Балаларыңның көңілін табуды армандама, шамаңды біл.
68- Сөйлегенде қолыңды көп қозғама.
69- Әркімнің сыйын біл, құрметте.
70- Біреудің жамандығына қосылма,
71- Өлгендердің жамандығын айтпа.
72- Әркіммен келіс, дұшпан болма, тыныштық ойла
73- Әртүрлі күшті сынауды әдет қылма.
74- Көптің арасында сыналған адамда шегің болмасын, көп күшті.
75-Тамағыңды басқаның дастарқанында жеме, үйің өкпелейді.
76-Жаман іске асықпа, кешіксең жақсы болар.
77- Дүние үшін ренжіме, ренжіспе.
78- Өзін танығанды таны.Өз мініңді түсін.
79- Ашуланғанда қолыңды,тіліңді абайла.
80- Жеңіңмен мұрныңды сүртпе, жуу қиын.
81- Күн шығып келе жатқанда ұйықтама,
82- Бермесең адамдар алдында тамақ жеме.
83- Жол жүргенде жасаулының алдына түспе
84- Сөйлесіп тұрған адамның арасына кірме.
85- Адамдар арасында басыңды тізеңе сүйеп отырма.
86- Жүрерде оң-солға көп қарама, алдыңа қара.
87- Шамаң болса жалаңаш көлікке мінбе.
88- Қонағыңның алдында басқаға кейіме.
91- Өтірікшімен бірге отырма, көптің арасында отырсаң зиян болмас.
92- Пайда, зиян үшін абыройыңды төкпе.
94- Елдің дұшпандығын өзіңе сатып алма, қасқа дос ал.
95- Өсек-аяң, қақтығыстан алыс жүр.
96- Ақшасыз, пышақсыз, сақинасыз жүрме. Ол тірліктің құралы.
97- Жұртты сыйла, сыйланарсың.
98-Талапты бол.(Талаптыға нұр жауар дегендей)
99- Аллаға адал бол.(тура жүрген жол табар)
100- Жұрт малына көз салма. ( берсе тастама, бермесе қақсама)
Басқалармен бөлісе отырыңыз
Пікірлер
Басты жаңалықтар
ҰЛТТЫҚ ТӘРБИЕНІҢ ОТБАСЫНДАҒЫ МАҢЫЗЫ
ТӘРБИЕ ДЕГЕН ТӘҢІР БАР
ТӘРБИЕ НЕГIЗI – ОТБАСЫНДА
Последние новости
WLTTIQ TÄRBIENİÑ OTBASINDAĞI MAÑIZI
ۇلتتىق تاربيەنىڭ وتباسىنداعى ماڭىزى
ҰЛТТЫҚ ТӘРБИЕНІҢ ОТБАСЫНДАҒЫ МАҢЫЗЫ