Қазақстандағы ең танымал тау-шаңғы курорттарының бірі – «Шымбұлақ» 2024 жылы рекордтық көрсеткішке жетті. Курортқа 1,5 миллионнан астам турист келген. Бұл өткен жылмен салыстырғанда 24%-ға артық.

Статистикаға сүйенсек, жазғы маусымда – 700 мың, ал қыста – 800 мың адам «Шымбұлаққа» барып, демалған. Бұл курорттың тек қысқы спорт түрлерімен ғана емес, жазғы демалыс үшін де тартымды екенін көрсетеді.

«Шымбұлақ» тек қазақстандықтар арасында ғана емес, шетелдік саяхатшылар арасында да танымалдылыққа ие болуда. Курортқа көбінесе Ресей, Қытай, Үндістан, Оңтүстік Корея және Таяу Шығыс елдерінен туристер келеді.

Бұл көрсеткіш Қазақстанның туризм саласының қарқынды дамып келе жатқанын тағы бір рет дәлелдеді.