قازاقستانداعى ەڭ تانىمال تاۋ-شاڭعى كۋرورتتارىنىڭ بىرى – «شىمبۇلاق» 2024 جىلى رەكوردتىق كورسەتكىشكە جەتتى. كۋرورتقا 1,5 ميلليوننان استام تۋريست كەلگەن. بۇل وتكەن جىلمەن سالىستىرعاندا 24%-عا ارتىق.

ستاتيستيكاعا سۇيەنسەك, جازعى ماۋسىمدا – 700 مىڭ, ال قىستا – 800 مىڭ ادام «شىمبۇلاققا» بارىپ, دەمالعان. بۇل كۋرورتتىڭ تەك قىسقى سپورت تۇرلەرىمەن عانا ەمەس, جازعى دەمالىس ۇشىن دە تارتىمدى ەكەنىن كورسەتەدى.

«شىمبۇلاق» تەك قازاقستاندىقتار اراسىندا عانا ەمەس, شەتەلدىك ساياحاتشىلار اراسىندا دا تانىمالدىلىققا يە بولۋدا. كۋرورتقا كوبىنەسە رەسەي, قىتاي, ۇندىستان, وڭتۇستىك كورەيا جانە تاياۋ شىعىس ەلدەرىنەن تۋريستەر كەلەدى.

بۇل كورسەتكىش قازاقستاننىڭ تۋريزم سالاسىنىڭ قارقىندى دامىپ كەلە جاتقانىن تاعى بىر رەت دالەلدەدى.