Almatıda pedagogikalıq jäne ğılımi qauımdastıq ökilderi bas qosqan respublikalıq ğılımi-praktikalıq konferenciya ötti. Bastı taqırıp – elimizde pedagogika ğılımın damıtu ortalığın qwru. Bwl ortalıq bilim beru jüyesiniñ barlıq deñgeyinde ğılımi zertteuler jürgizip, mwğalimderdiñ käsibi damuın qoldauğa bağıttalmaq, dep habarlaydı Shalqar.kz.

Oqu-ağartu ministri Ğani Beysembaevtıñ aytuınşa, soñğı jıldarı pedagogterdiñ biliktiligin arttıruğa erekşe köñil bölinude. Ötken jılı ğılımi zertteumen aynalısatın mwğalimder sanı 1,6 ese östi, al magistr därejesi bar wstazdar qatarı 27,9 mıñğa jetti. Sonımen qatar, «Bilim berudegi özgeristerdiñ 1000 köşbasşısı» jobası ayasında bolaşaq bilim köşbasşıların dayarlau jalğasuda.

— Wstazdıñ käsibi deñgeyi – bilim sapasınıñ negizi. Jaña ğılımi ortalıq pedagogikalıq zertteulerdi jüyeli jürgizuge, mwğalimderdiñ ğılımi äleuetin arttıruğa jäne bolaşaq pedagog mamandardı sapalı dayındauğa mümkindik beredi, — dedi Ğani Beysembaev.

Konferenciya ayasında mektepke deyingi, orta, tehnikalıq, käsiptik jäne joğarı bilim salasındağı özekti mäseleler talqılandı. Öñirlerdegi pedagogter men ğalımdar üşin onlayn-translyaciya wyımdastırıldı.

Sonday-aq, Äl-Farabi atındağı QazWU men I.Altınsarin atındağı Wlttıq bilim akademiyası arasında ıntımaqtastıq turalı memorandumğa qol qoyıldı. Kelisim negizinde elimizde pedagogikalıq ğılımdı damıtuğa arnalğan zertteu alañı qwrılmaq.