Pavlodar oblısınıñ Aqqulı audanında elimizdegi biregey qwtqaru keşeni öz jwmısın bastadı. Ol ört söndiruşiler, trassalıq-qwtqaru qızmeti jäne Apattar medicinası ortalığı mamandarın bir jerge şoğırlandırıp, tötenşe jağdaylarğa şwğıl äreket etu uaqıtın qısqartuğa mümkindik beredi, dep habarlaydı Shalqar.kz.

Jaña ortalıq Pavlodar qalasınan 100 şaqırım qaşıqtıqta, respublikalıq mañızı bar «Ombı-Mayqapşağay» tas jolınıñ boyında ornalasqan. Bwl strategiyalıq mañızdı orın, öytkeni ol tek oblıs aumağın ğana emes, «Semey ormanı» tabiği rezervatı men alıs eldi mekenderdi de qamtidı.

Mwnday ämbebap formattağı qwtqaru bölimşeleri bwğan deyin Aqmola jäne Qarağandı oblıstarında aşılğan. QR Tötenşe jağdaylar ministri Şıñğıs Ärinovtıñ aytuınşa, jaña ortalıq zardap şekkenderge alğaşqı minuttardan-aq jedel kömek körsetu üşin jasaqtalğan.

Keşen ört söndiru bölimin, trassalıq medicinalıq-qwtqaru punktin jäne qwtqaruşılardı bir nısanğa biriktiredi. Sonday-aq tikwşaq alañı qarastırılğan, bwl şwğıl evakuaciyalau men şalğay audandarğa kömek jetkizudi jeñildetedi. Eki qabattı ğimaratta mamandar täulik boyı qızmet etedi, al qızmetkerler üşin barlıq jağday jasalğan.

Ortalıqtıñ aşılu saltanatında ministr tötenşe jağdaylar qızmetiniñ mamandarına jaña arnayı tehnikanıñ kiltterin tabıstap, birqatar qızmetkerlerge kezekten tıs şender berdi.

Bwl jaña qwtqaru keşeni öñir twrğındarınıñ qauipsizdigin arttırıp, kez kelgen tötenşe jağdayğa jedel äreket etuge dayın.