Qızılorda oblısındağı birqatar auıldar alkogol'den tübegeyli bas tartıp, qılmıstı nölge deyin azaytuğa qol jetkizdi. Solardıñ biri – Özgent auılı, onda işimdik satılmaytınına 10 jılğa juıq uaqıt boldı, dep habarlaydı Shalqar.kz.

Özgent auılında araq-şaraptıñ ornın tabiği süt önimderi basqan. Düken ieleri twrğındardıñ swranısın eskerip, käsipterin jaña bağıtta damıtqan. Käsipker Ziyada YAdıgarova işimdik satudı toqtatqannan keyin tabıs azaymağanın, kerisinşe, dükeniniñ keñeygenin aytadı.

“Auıl aqsaqaldarınıñ wsınısın qabıldap, araq satudı doğardım. Biraq bwl käsibime keri äserin tigizgen joq, kerisinşe, tabısım arttı”, – deydi ol.

Auıl twrğındarı negizinen egin jäne mal şaruaşılığımen aynalısadı. Soñğı 10 jılda auılda birde-bir düken alkogol' satpaydı. Sonıñ arqasında Özgent audandağı eñ üzdik auıldardıñ qatarına endi.

Büginde 1800-den astam twrğını bar auılda barlıq köşege asfal't töselgen, jaña mädeniet üyi salınıp, sporttıq alañdar köbeygen.

“Soñğı 5 jılda auılda birde-bir qılmıs tirkelmegen. Mal wrlığı da, özge qwqıqbwzuşılıqtar da mülde joq”, – deydi uçaskelik policiya inspektorı Süyindik Asılbaev.

Oblıstıq prokuraturanıñ deregi boyınşa, Qızılorda oblısındağı 49 auılda soñğı eki jılda qılmıs bolmağan. Al 18 auıl işimdik satudan tolıqtay bas tartqan.