قازاقستاندا جاس قالامگەرلەرگە ارنالعان پرەزيدەنتتىك ارناۋلى ادەبي سىيلىققا وتىنىم قابىلداۋ باستالدى. بۇل تۋرالى مادەنيەت جانە اقپارات مينيسترلىگى مالىمدەدى, دەپ حابارلايدى Shalqar.kz.

قاي نوميناتسييالارعا قاتىسۋعا بولادى?
وتىنىمدەر تورت نوميناتسييا بويىنشا قابىلدانادى:
 • پروزا
 • پوەزييا
 • دراماتۋرگييا
 • بالالار ادەبيەتى

ار ۇمىتكەر تەك بىر نوميناتسيياعا قاتىسۋعا قۇقىلى. بايقاۋعا 18-35 جاس ارالىعىنداعى جاس جازۋشىلار بۇرىن ەشقانداي حالىقارالىق جانە ۇلتتىق كونكۋرستارعا قاتىسپاعان تۋىندىلارىن ۇسىنا الادى.

وتىنىمدەردى قايدا جانە قالاي جىبەرۋگە بولادى?
قۇجاتتار 2025 جىلعى 15 ناۋرىز بەن 15 ماۋسىم ارالىعىندا قابىلدانادى. وتىنىمدى قاعاز نەمەسە ەلەكتروندى تۇردە تومەندەگى مەكەنجايعا جولداۋ قاجەت:
استانا قالاسى, ماڭگىلىك ەل داڭعىلى, 8, 14 كىرەبەرىس, قر مام ارحيۆ, قۇجاتتاما جانە كىتاپ ىسى كوميتەتى, 273 كابينەت.

قوسىمشا اقپاراتتى كەلەسى نومىرلەردەن الۋعا بولادى:
+7 707 541 8006, 8 (7172) 74-04-07; 74-03-84; 74-04-08